ਸਖੀਆਂ ਸਹੇਲੀਆਂ ਨੇ ਇਕੱਠੀਆਂ ਹੋ ਕੇ ਮਨਾਇਆ ਤੀਜ਼ ਦਾ ਤਿਉਹਾਰ

ਗੇਮਾਂ ਵਿੱਚ ਜਿੱਤਣ ਵਾਲੀਆਂ ਮੁਟਿਆਰਾਂ ਨੂੰ ਵੰਡੇ ਗਏ ਇਨਾਮ
ਸਮਰਾਲਾ, 15 ਅਗਸਤ (ਪੰਜਾਬ ਪੋਸਟ – ਇੰਦਰਜੀਤ ਕੰਗ) – ਸਮਰਾਲਾ ਸ਼ਹਿਰ ਦੇ ਖੰਨੇ ਰੋਡ ਵਿਖੇ ਸਥਿਤ ਸੰਘੂ ਸਵੀਟਸ ਅਤੇ ਬੈਕੁੰਟ ਹਾਲ ਵਿਖੇ ਸਮਰਾਲਾ ਸ਼ਹਿਰ ਦੀਆਂ ਔਰਤਾਂ ਨੇ ਇਕੱਠੀਆਂ ਹੋ ਕੇ ਤੀਜ਼ ਦਾ ਤਿਉਹਾਰ ਉਤਸ਼ਾਹ ਅਤੇ ਉਮੰਗ ਨਾਲ ਮਨਾਇਆ।ਤੀਜ ਦੇ ਮੇਲੇ ਵਿੱਚ ਸ਼ਹਿਰ  ਦੇ ਵੱਖ-ਵੱਖ ਮੁਹੱਲਿਆਂ ਤੋਂ ਆਈਆਂ ਮੁਟਿਆਰਾਂ ਨੇ ਗਿੱਧੇ ਦੀ ਖੂਬ ਧਮਾਲ ਮਚਾਈ।ਗੁਰਮੀਤ ਕੌਰ ਮੀਤੂ, ਵੰਦਨਾਂ ਬੁੱਧੀਰਾਜਾ ਨੇ ਮੁਟਿਆਰਾਂ ਨਾਲ ਵੱਖ ਵੱਖ ਤਰ੍ਹਾਂ ਦੀਆਂ ਗੇਮਾਂ ਦੇ ਮੁਕਾਬਲੇ ਵੀ ਕਰਵਾਏ।ਜਿਸ ਵਿੱਚ ਗੋਲਗੱਪੇ ਖਾਣ ਦਾ ਮੁਕਾਬਲਾ, ਗੁਬਾਰੇ ਭੰਨਣਾ, ਫੁੱਲਾਂ ਦੇ ਹਾਰ ਇੱਕ ਦੂਜੇ ਦੇ ਪਾਉਣਾ ਆਦਿ ਸ਼ਾਮਲ ਸਨ।ਅਮਨ ਕੌਸ਼ਲ ਅਤੇ ਮੀਨੂ ਕੱਕੜ ਨੇ ਸਾਵਣ ਮਹੀਨੇ ਦੇ ਨਾਲ ਜੁੜੀਆਂ ਬੋਲੀਆਂ ਪਾ ਕੇ ਸਭ ਦਾ ਮਨ ਮੋਹ ਲਿਆ।
ਇਸ ਮੌਕੇ ਲੀਜਾ ਅਰੋੜਾ, ਸੁਦੇਸ਼ ਭਾਰਤੀ, ਰੁਪ ਭਾਰਤੀ, ਸੁਦਾ ਸਚਦੇਵਾ, ਰਿਚਾ ਦੁਆ, ਰੁਬੀ ਖੱੱਲਰ, ਅਨੀਤਾ ਖੁੱਲਰ, ਅੰਜੁ ਵਰਮਾ, ਨਿਹਾਰਕਾ ਖੁੱਲਰ, ਰਾਖੀ ਮਿਗਲਾਨੀ, ਮਨੀਸ਼ਾ ਮਿਗਲਾਨੀ, ਸੀਮਾ ਲੀਸਾ, ਅਮਨਦੀਪ ਕੌਰ, ਪ੍ਰਕਾਸ਼ ਕੌਰ ਆਦਿ ਹਾਜ਼ਰ ਸਨ।ਇਹ ਤੀਜ ਦਾ ਮੇਲਾ ਦੇਰ ਸ਼ਾਮ ਤੱਕ ਚੱਲਦਾ ਰਿਹਾ ਅਤੇ ਸਭ ਦੀ ਸੁੱਖ ਸਲਾਮਤੀ ਮੰਗਦੀਆਂ ਸਖੀਆਂ ਅਗਲੇ ਸਾਲ ਫਿਰ ਮਿਲਣ ਦਾ ਵਾਅਦਾ ਕਰਕੇ ਵਿਦਾ ਹੋਈਆਂ।