ਗੁਰੂ ਨਗਰੀ ਦੀ ਅਦਾਕਾਰਾ ਜਾਨਵੀ ਮਲਹੋਤਰਾ ਨੇ ਬੱਚਿਆਂ ਨਾਲ ਮਨਾਇਆ ਜਨਮ ਦਿਨ

ਤਿੰਨ ਬਾਲੀਵੁੱਡ ਫਿਲਮਾਂ ’ਚ ਕਰ ਚੁੱਕੀ ਹੈ ਅਦਾਕਾਰੀ
ਅੰਮ੍ਰਿਤਸਰ, 13 ਸਤੰਬਰ (ਪੰਜਾਬ ਪੋਸਟ – ਅਮਨ) – ਸਥਾਨਕ ਗਲੀ ਬਾਂਕੇ ਬਿਹਾਰੀ ਸਥਿਤ ਡਰੀਮਜ਼ ਡਾਂਸ ਅਕੈਡਮੀ ਦੀ ਕੋਰਿਓਗ੍ਰਾਫਰ ਜਾਨਵੀ ਮਲਹੋਤਰਾ ਨੇ ਅਕੈਡਮੀ ਦੇ ਬੱਚਿਆਂ ਨਾਲ ਆਪਣੇ ਜਨਮ ਦਿਨ ਦੀਆਂ ਖੁਸ਼ੀਆਂ ਸਾਂਝੀਆਂ ਕੀਤੀਆਂ।ਸਿੰਗਿੰਗ ਰਿਆਲਟੀ ਸ਼ੋਅ ਰਾਈਜਿੰਗ ਸਟਾਰ ਤੋਂ ਆਪਣੀ ਪਛਾਣ ਬਣਾ ਚੁੱਕੀ ਬਟਾਲਾ ਰੋਡ ਵਾਸੀ ਜਾਨਵੀ ਮਲਹੋਤਰਾ ਬਾਲੀਵੁੱਡ ਦੀਆਂ ਤਿੰਨ ਫਿਲਮਾਂ ਨਮਸਤੇ ਇੰਗਲੈਂਡ, ਹੈਪੀ ਭਾਗ ਜਾਏੇਗੀ-2 ਅਤੇ ਗੋਲਡ ਵਿਚ ਦਰਸ਼ਕਾਂ ਦੇ ਰੂਬਰੂ ਹੋ ਚੁੱਕੀ ਹੈ।ਖਾਸ ਗੱਲ ਇਹ ਹੈ ਕਿ ਹੈਪੀ ਭਾਗ ਜਾਏਗੀ-2 ਅਤੇ ਗੋਲਡ ਵਿਚ ਜਾਨਵੀ ਦੀ ਮਾਂ ਸਪਨਾ ਮਲਹੋਤਰਾ ਵੀ ਕੰਮ ਕਰ ਚੁੱਕੀ ਹੈ।ਜਨਮ ਦਿਨ ਦੀ ਪਾਰਟੀ ਦੌਰਾਨ ਅਕੈਡਮੀ ਦੇ ਨੰਨੇ-ਮੁੰਨੇ ਸਿਖਿਆਰਥੀਆਂ ਨੇ ਡਾਂਸ ਕੋਰਿਓਗ੍ਰਾਫਰ ਜਾਨਵੀ ਮਲਹੋਤਰਾ ਨੂੰ ਉਨ੍ਹਾਂ ਦੀਆਂ ਤਸਵੀਰਾਂ ਦਾ ਇਕ ਫੋਟੋ ਫਰੇਮ ਤੋਹਫੇ ਵਜੋਂ ਭੇਂਟ ਕੀਤਾ।
             ਦੱਸਣਯੋਗ ਹੈ ਕਿ ਜਾਨਵੀ ਨੂੰ ਮਾਡਲਿੰਗ, ਸਿੰਗਿੰਗ, ਡਾਂਸ, ਜੂਡੋ-ਕਰਾਟੇ, ਕਾਰ, ਬਾਈਕ, ਬੁਲਟ ਡਰਾਈਵਿੰਗ ਤੇ ਫੋਟੋਗ੍ਰਾਫੀ ਦਾ ਸ਼ੌਂਕ ਹੈ ਅਤੇ ਉਹ ਤਾਈਕਵਾਡੋ ਵਿੱਚ ਵੀ ਸਟੇਟ ਪੱਧਰ `ਤੇ ਬਲੈਕ ਬੈਲਟ ਗੋਲਡ ਮੈਡਲਿਸਟ ਜੇਤੂ ਵੀ ਰਹਿ ਚੁੱਕੀ ਹੈ।