ਸੜਕ `ਤੇ ਪਾਏ ਗੀਟਿਆਂ ਤੋਂ ਮੋਟਰਸਾਈਕਲ ਤਿਲਕਿਆ – ਨੋਜਵਾਨ ਦੀ ਹੋਈ ਮੌਤ

ਭੀਖੀ, 25 ਸਤੰਬਰ (ਪੰਜਾਬ ਪੋਸਟ – ਕਮਲ ਕਾਂਤ) – ਸੜਕ `ਤੇ ਪਾਏ ਗੀਟਿਆਂ ਤੋਂ ਮੋਟਰਸਾਈਕਲ ਦੇ ਤਿਲਕ ਜਾਣ ਨਾਲ ਪਿੰਡ ਬੀਰ ਖੁੁਰਦ ਦੇ ਇੱਕ ਨੌਜਵਾਨ ਦੀ ਮੌਤ ਹੋ ਜਾਣ ਦੀ ਖਬਰ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਜਸਵਿੰਦਰ ਸਿੰਘ (25) ਪੁੱਤਰ ਮਿੱਠਾ ਸਿੰਘ ਬੀਤੀ ਰਾਤ ਮੋਟਰਸਾਈਕਲ `ਤੇ ਹੋਡਲਾ ਕਲਾਂ ਤੋਂ ਆਪਣੇ ਪਿੰਡ ਆ ਰਿਹਾ ਸੀ।ਸੜਕ `ਤੇ ਪੱਥਰ ਦੇ ਗੀਟੇ ਪਏ ਹੋਣ ਕਾਰਨ ਸਰਕਾਰੀ ਸਕੂਲ ਕੋਲ ਸੂਏ ਦੇ ਪੁਲ ਤੋਂ ਅੱਗੇ ਮੋਟਰਸਾਈਕਲ ਤਿਲਕ ਕੇ ਜੀਰੀ `ਚ ਜਾ ਡਿੱਗਿਆ।ਜਿਸ ਦਾ ਰਾਹਗੀਰਾਂ ਨੂੰ ਸਵੇਰ ਸਮੇਂ ਪਤਾ ਲੱਗਾ। ਉਨ੍ਹਾਂ ਨੌਜਵਾਨ ਦੇ ਪਰਿਵਾਰ ਨੂੰ ਸੂਚਨਾ ਦਿੱਤੀ, ਪਰ ਉਦੋਂ ਤੱਕ ਨੌਜਵਾਨ ਦੀ ਮੌਤ ਹੋ ਚੁੱਕੀ ਸੀ।ਲਾਸ਼ ਦੇ ਪੋਸਟਮਾਰਟਮ ਤੋਂ ਬਾਅਦ ਸਸਕਾਰ ਕਰ ਦਿੱਤਾ ਗਿਆ ਹੈ।