ਅਰਦਾਸਾਂ ਨੂੰ ਪੈ ਗਿਆ ਬੂਰ ਜੀ….

ਸਦੀਆਂ ਦੀਆਂ ਅਰਦਾਸਾਂ ਨੂੰ ਪੈ ਗਿਆ ਬੂਰ ਜੀ,
ਬਾਬੇ ਨਾਨਕ ਦੇ ਅਸਥਾਨ ਨੂੰ ਹੁਣ ਦੇਖਾਂਗੇ ਜ਼ਰੂਰ ਜੀ।

ਸਰਕਾਰਾਂ ਨੇ ਰਲ-ਮਿਲ ਵਿਉਂਤ ਬਣਾਈ ਜੀ
ਦਰਸ਼ਨਾਂ ਲਈ ਕੋਰੀਡੋਰ ਤਿਆਰ ਕਰਵਾਈ ਜੀ।

ਕੰਮ ਚਲ ਰਿਹਾ ਪੂਰੇ ਜ਼ੋਰਾਂ ਸ਼ੋਰਾਂ ਨਾਲ ਜੀ
ਕਮਰਕੱਸ ਲਈ ਜਨਤਾ ਨੇ ਵੀ ਸਰਕਾਰਾਂ ਦੇ ਨਾਲ ਜੀ।

ਡੇਰਾ ਰੋਡ ਦੀਆਂ ਇਮਾਰਤਾਂ ਨੂੰ ਸੁੰਦਰ ਬਣਵਾਇਆ ਜੀ
ਇਤਿਹਾਸਿਕ ਫੈਸਲੇ ਨੂੰ ਅਮਲੀ ਜਾਮਾ ਪਹਿਨਾਇਆ ਜੀ।

ਟੈਂਟ-ਸਿਟੀ ਆਈਆਂ ਸੰਗਤਾਂ ਲਈ ਤਿਆਰ ਜੀ
ਤਾਂ ਜੋ ਹੋਵੇ ਨਾ ਏਥੇ ਆ ਕੇ ਕੋਈ ਦੁਸ਼ਵਾਰ ਜੀ।

ਵਾਹਿਗੁਰੂ ਦੀ ਕ੍ਰਿਪਾ ਨਾਲ ਚੱਲ ਰਿਹਾ ਸਭ ਕੰਮ ਜੀ
ਬਾਬਾ ਨਾਨਕ ਦਰਸ਼ਨਾਂ ਲਈ ਆਪ ਸੁਨੇਹੇ ਰਿਹਾ ਘੱਲ ਜੀ।

ਸਦੀਆਂ ਦੀਆਂ ਅਰਦਾਸਾਂ ਨੂੰ ਪੈ ਗਿਆ ਬੂਰ ਜੀ
ਬਾਬੇ ਨਾਨਕ ਦੇ ਅਸਥਾਨ ਨੂੰ ਹੁਣ ਦੇਖਾਂਗੇ ਜ਼ਰੂਰ ਜੀ।

ਰਜਿੰਦਰ ਪਾਲ ਕੌਰ ਸੰਧੂ
ਐਮ.ਐਸ.ਸੀ ਕੈਮਿਸਟਰੀ (ਬੀ.ਐਡ)
ਈ.ਟੀ.ਟੀ, ਅਧਿ. ਸ. ਪ੍ਰਾ.ਸ ਸ਼ੁਕਰਪੁਰਾ
ਬਟਾਲਾ (ਗੁਰਦਾਸਪੁਰ)