ਬਿਨਾਂ ਰੇਲਿੰਗ ਤੇ ਟੁੱਟੀਆਂ ਪੁਲੀਆਂ ਦੇ ਰਹੀਆਂ ਹਾਦਸਿਆਂ ਨੂੰ ਸੱਦਾ

ਸੰਦੌੜ, 7 ਦਸੰਬਰ (ਪੰਜਾਬ ਪੋਸਟ – ਹਰਮਿੰਦਰ ਸਿੰਘ ਭੱਟ) – ਕਸਬਾ ਸੰਦੌੜ ਦੇ ਨਜ਼ਦੀਕੀ ਪਿੰਡਾਂ ਵਿੱਚ ਕਈ ਰਜਵਾਹੇ ਅਤੇ ਨਾਲਿਆਂ ‘ਤੇ ਬਣੀਆਂ ਪੁਲੀਆਂ ਜਿਨ੍ਹਾਂ ਦੇ ਬਣਨ ਦਾ ਅੰਦਾਜ਼ਾ ਤਾਂ ਸ਼ਾਇਦ ਬਜ਼ੁਰਗਾਂ ਨੂੰ ਵੀ ਨਹੀਂ ਹੋਵੇਗਾ।ਇਹਨਾਂ ਪੁਲੀਆਂ ਦੀ ਖਸਤਾ ਹਾਲ ਹੋ ਚੁੱਕੀ ਹਾਲਤ ਜਾਨੀ ਤੇ ਮਾਲੀ ਹਾਦਸਿਆਂ ਨੂੰ ਸੱਦਾ ਦੇ ਰਹੀ ਹੈ।ਲੇਕਿਨ ਸਰਕਾਰੀ ਮਹਿਕਮੇ ਚੁੱਪ ਧਾਰੀ ਬੈਠੇ ਹਨ।ਇਹਨਾਂ ਵਿਚੋਂ ਕਈ ਟੁੱਟੀਆਂ ਹੋਈਆਂ ਪੁਲ਼ੀਆਂ ਸਕੂਲਾਂ ਦੇ ਨੇੜੇ ਹੋਣ ਕਰ ਕੇ ਚਿੰਤਾ ਵਧਾ ਰਹੀਆਂ ਹਨ।
ਇਲਾਕਾ ਨਿਵਾਸੀਆਂ ਅਤੇ ਸਮਾਜ ਸੇਵੀ ਸੰਸਥਾਵਾਂ ਵਲੋਂ ਪੁਰਜ਼ੋਰ ਮੰਗ ਕੀਤੀ ਜਾ ਰਹੀ ਹੈ ਕਿ ਇਹਨਾਂ ਟੁੱਟੀਆਂ, ਬਿਨਾ ਰੇਲਿੰਗ ਅਤੇ ਅੱਧਵਾਟੇ ਟੁੱਟੀਆਂ ਰੇਲਿੰਗਾਂ ਤੋਂ ਹੋ ਰਹੀਆਂ ਜਾਨਲੇਵਾ ਘਟਨਾਵਾਂ ਨੂੰ ਠੱਲ੍ਹ ਪਾਉਣ ਲਈ ਪਹਿਲ ਦੇ ਆਧਾਰ ‘ਤੇ ਠੋਸ ਕਦਮ ਚੁੱਕੇ ਜਾਣ ।