ਡੀ.ਏ.ਵੀ ਕਾਲਜ ਵਿਖੇ ਖੂਨਦਾਨ ਕੈਂਪ ‘ਚ ਪੁੱਜੇ ਮੇਅਰ ਕਰਮਜੀਤ ਸਿੰਘ ਰਿੰਟੂ

ਅੰਮ੍ਰਿਤਸਰ, 16 ਮਾਰਚ (ਪੰਜਾਬ ਪੋਸਟ – ਜਗਦੀਪ ਸਿੰਘ) – ਸਥਾਨਕ ਡੀ.ਏ.ਵੀ ਕਾਲਜ ਵਿਖੇ ਗੁਰੂ ਨਾਨਕ ਦੇਵ ਹਸਪਤਾਲ ਬਲੱਡ ਬੈਂਕ ਅਤੇ ਬਲੱਡ ਡੋਨਰਜ਼ ਐਸੋਸੀਏਸ਼ਨ ਹਾਥੀ ਗੇਟ ਦੇ ਸਹਿਯੋਗ ਨਾਲ ਮਹਾਤਮਾ ਹੰਸ ਰਾਜ ਦੀ ਯਾਦ ‘ਚ ਖੂਨਦਾਨ ਕੈਂਪ ਆਯੋਜਿਤ ਕੀਤਾ ਗਿਆ।ਜਿਸ ਵਿੱਚ ਮੇਅਰ ਕਰਮਜੀਤ ਸਿੰਘ ਰਿੰਟੂ ਬਤੌਰ ਮੁੱਖ ਮਹਿਮਾਨ ਸ਼ਾਮਿਲ ਹੋਏ।ਕਾਲਜ਼ ਦੇ ਐਨ.ਸੀ.ਸੀ ਕੈਡਿਟਾਂ, ਐਨ.ਐਸ.ਐਸ ਵਲੰਟੀਅਰਾਂ ਅਤੇ ਵਿਦਿਆਰਥੀਆਂ ਨੇ ਕੈਂਪ ਵਿੱਚ ਉਤਸ਼ਾਹ ਨਾਲ ਖੂਨਦਾਨ ਕੀਤਾ।ਗੁਰੂ ਨਾਨਕ ਦੇਵ ਹਸਪਤਾਲ ਬਲੱਡ ਬੈਂਕ ਤੋਂ ਪੁੱਜੀ ਟੀਮ ਮੈਂਬਰਾਂ ਡਾ, ਅਨਿਲ ਮਹਾਜਨ, ਰਵੀ ਮਹਾਜਨ ਅਤੇ ਬਿਕਰਮਜੀਤ ਸਿੰਘ ਵਲੋਂ ਕੈਂਪ ਦੌਰਾਨ 98 ਯੂਨਿਟ ਖੂਨ ਇਕੱਤਰ ਕੀਤਾ ਗਿਆ।
            ਮੇਅਰ ਰਿੰਟੂ ਗੱਲਬਾਤ ਕਰਦਿਆਂ ਕਿਹਾ ਕਿ ਖੂਨਦਾਨ ਮਾਨਵਤਾ ਦੀ ਇਕ ਸੱਚੀ ਸੇਵਾ ਹੈ।ਜਿਸ ਨਾਲ ਕਿਸੇ ਵੀ ਮਨੁੱਖ ਦੀ ਕੀਮਤੀ ਜਾਨ ਬਚਾਈ ਜਾ ਸਕਦੀ ਹੈ।ਖੂਨਦਾਨ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਮੇਅਰ ਨੇ ਸਰਟੀਫਿਕੇਟ ਦੇ ਕੇ ਸਨਮਾਨਿਆ, ਜਦਕਿ ਕਾਲਜ਼ ਮੈਨੇਜਮੈਂਟ ਅਤੇ ਪ੍ਰਿੰਸੀਪਲ ਰਾਜੇਸ਼ ਕੁਮਾਰ ਵਲੋਂ ਮੇਅਰ ਕਰਮਜੀਤ ਸਿੰਘ ਰਿੰਟੂ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ।
              ਇਸ ਮੌਕੇ ਕਾਲਜ ਰਜਿਸਟਰਾਰ ਪ੍ਰੋ. ਜੀ.ਐਸ ਸਿੱਧੂ, ਵਾਇਸ ਪ੍ਰਿੰਸੀਪਲ ਡਾ. ਦਰਸ਼ਨਦੀਪ ਸਿੰਘ, ਪ੍ਰਬੰਧਕ ਪ੍ਰੋ. ਮੀਨੂ ਅਗਰਵਾਲ, ਡਡਾ. ਐਨ.ਬੀ ਯਾਦਵ, ਮੈਡਮ ਆਸ਼ਿਮਾ ਵਾਲੀਆ, ਐਨ.ਸੀ.ਸੀ ਇਨਫੈਂਟਰੀ ਇੰਚਾਰਜ਼ ਡਾ. ਕਮਲ ਕਿਸ਼ੋਰ, ਮੈਡੀਕਲ ਅਫਸਰ ਡਾ. ਅਸ਼ਵਨੀ ਵਰਮਾ, ਸੋਨੂ ਅਰੋੜਾ, ਐਨ.ਐਸ.ਐਸ ਇੰਚਾਰਜ਼ ਡਾ. ਨੀਰਜ਼ਾ ਕਾਲੀਆ, ਐਨ.ਸੀ.ਸੀ ਨੇਵਲ ਵਿੰਗ ਇੰਚਾਰਜ਼ ਡਾ. ਗੌਰਵ ਸ਼ਰਮਾ, ਐਨ.ਸੀ.ਸੀ ਏਅਰ ਵਿੰਗ ਇੰਚਾਰਜ਼ ਸੰਜੀਵ ਦੱਤਾ, ਕਾਲਜ ਮੈਨੇਜਮੈਂਟ, ਟੀਚਿੰਗ ਤੇ ਨਾਨ-ਟੀਚਿੰਗ ਸਟਾਫ, ਬਲੱਡ ਡੋਨਰਜ਼ ਅਸੋਸੀਏਸ਼ਨ ਦੇ ਅਹੁੱਦੇਦਾਰ ਤੇ ਵਿਦਿਆਰਥੀ ਹਾਜਰ ਸਨ।