Punjab Post Daily Online Newspaper & Print Media
ਲੰਘੀਏ ਨਾ ਕਦੇ ਗਧੇ ਘੋੜੇ ਦੀ ਪਿਛਾੜੀ ਜੀ
ਕੁਰਾਹੇ ਪਾਉਂਦੀ ਲੰਡਰਾ ਦੀ ਆੜੀ ਜੀ
ਕਾਹਦਾ ਸਾਉ ਪੁੱਤ ਉਹ, ਜੋ ਪੁੱਟੇ ਪਿਉ ਦੀ ਦਾੜੀ ਜੀ।
ਮਾੜਾ ਹੁੰਦਾ ਝਾਕਾ ਓਪਰੀ ਜਨਾਨੀ ਦਾ
ਬਹੁਤਾ ਸਮਾਂ ਟਿਕਦਾ ਨਾ ਪੈਸਾ ਬੇਈਮਾਨੀ ਦਾ
ਜੱਗ ਵਿੱਚ ਉੱਚਾ ਹੋਵੇ ਨਾਂਅ ਬੰਦੇ ਦਾਨੀ ਦਾ।
ਮਾੜੀ ਔਲਾਦ ਮਾਪਿਆਂ ਦੀ ਜੋ ਮੰਨੇ ਘੂਰ ਨਾ
ਹੌਸਲੇ ਨੂੰ ਮੰਜ਼ਿਲਾਂ ਕਦੇ ਵੀ ਦੂਰ ਨਾ
ਸੱਚਿਆਂ ‘ਤੇ ਝੂਠ ਦਾ ਚੜਦਾ ਸਰੂਰ ਨਾ।
ਹੁੰਦੇ ਚੰਗੇ ਕੰਮ ਵਿੱਚ ਲੱਤ ਨੀ ਫਸਾਉਣੀ ਚਾਹੀਦੀ
ਯਾਰੀ ਲਾ ਕੇ ਪਿੱਠ ਨੀ ਦਿਖਾਉਣੀ ਚਾਹੀਦੀ
ਭੁੱਲ ਕੇ ਵੀ ਨਸ਼ੇੜੀ ਨਾਲ ਧੀ ਨੀ ਵਿਆਉਣੀ ਚਾਹੀਦੀ।
ਬਲਤੇਜ ਸੰਧੂ ਬੁਰਜ
ਪਿੰਡ ਬੁਰਜ ਲੱਧਾ, ਜਿਲ੍ਹਾ ਬਠਿੰਡਾ।
ਮੋ – 9465818158
