ਅੱਜ ਤੇ ਕੱਲ ਖੁੱਲੇ ਰਹਿਣਗੇ ਜ਼ਿਲ੍ਹੇ ਦੇ ਬੈਂਕ, 3 ਅਪ੍ਰੈਲ ਤੋਂ ਖੁੱਲਣਗੇ ਹਫਤੇ ‘ਚ ਦੋ ਦਿਨ

ਅੰਮ੍ਰਿਤਸਰ, 30 ਮਾਰਚ (ਪੰਜਾਬ ਪੋਸਟ – ਸੁਖਬੀਰ ਸਿੰਘ) – ਕਰਫਿੳੂ ਦੌਰਾਨ ਲੋਕਾਂ ਦੀ ਵਿੱਤੀ ਲੋੜਾਂ ਪੂਰੀਆਂ ਕਰਨ ਲਈ ਜਿਲ੍ਹੇ ਦੇ ਬੈਂਕ ਅੱਜ ਤੇ ਕੱਲ 30 ਅਤੇ 31 ਮਾਰਚ ਨੂੰ ਖੁੱਲੇ ਰਹਿਣਗੇ।ਡਿਪਟੀ ਕਮਿਸ਼ਨਰ ਸ਼ਿਵਦੁਲਾਰ ਸਿੰਘ ਢਿਲੋਂ ਨੇ ਦੱਸਿਆ ਕਿ ਇਸ ਤੋਂ ਇਲਾਵਾ ਬੈਂਕਾਂ ਨੂੰ ਆਪਣੀਆਂ ਸਾਰੀਆਂ ਏ.ਟੀ.ਐਮ ਮਸ਼ੀਨਾਂ ਵਿਚ ਨਗਦੀ ਉਪਲੱਬਧ ਕਰਵਾਉਣ ਦੀ ਹਦਾਇਤ ਵੀ ਕੀਤੀ ਗਈ ਹੈ, ਤਾਂ ਜੋ ਲੋਕ ਆਪਣੇ ਪੈਸੇ ਕਢਾ ਕੇ ਲੋੜ ਅਨੁਸਾਰ ਵਰਤ ਸਕਣ।ਉਨਾਂ ਦੱਸਿਆ ਕਿ 3 ਅਪ੍ਰੈਲ ਤੋਂ ਬੈਂਕ ਹਫਤੇ ਵਿਚ ਦੋ ਦਿਨ ਖੁੱਲਣਗੇ, ਭਾਵ ਕਿ ਇਕ ਤਿਹਾਈ ਬੈਂਕਾਂ ਦੀਆਂ ਬਰਾਚਾਂ ਹੀ ਇਕ ਵਕਤ ਕੰਮ ਕਰ ਸਕਣਗੀਆਂ। ਉਨਾਂ ਦੱਸਿਆ ਕਿ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਬੈਂਕਾਂ ਵਿਚ ਭੀੜ ਇਕੱਠੀ ਨਾ ਹੋਵੇ ਅਤੇ ਇਕੋ ਵੇਲੇ ਘੱਟ ਤੋਂ ਘੱਟ ਆਦਮੀ ਬੈਂਕ ਅੰਦਰ ਜਾ ਕੇ ਆਪਣਾ ਕੰਮ ਨਿਪਟਾਉਣ। ਉਨਾਂ ਬੈਂਕ ਅਧਿਕਾਰੀਆਂ ਨੂੰ ਵੀ ਹਦਾਇਤ ਕੀਤੀ ਕਿ ਉਹ ਆਪਣੇ ਗਾਹਕਾਂ ਤੇ ਆਪਣੀ ਸੁਰੱਖਿਆ ਲਈ ਇਹ ਯਕੀਨੀ ਬਨਾਉਣ ਕਿ ਆਪਸੀ ਫਾਸਲਾ 2 ਮੀਟਰ ਤੋਂ ਵੱਧ ਬਣਿਆ ਰਹੇ।