ਰਾਹਤ ਕਾਰਜ਼ਾਂ ਦਾ ਹਿੱਸਾ ਬਣਨ ਲਈ ਕੰਟਰੋਲ ਰੂਮ ਤੋਂ ਸਹਾਇਤਾ ਲਈ ਜਾਵੇ – ਸੰਦੀਪ ਰਿਸ਼ੀ

ਅੰਮ੍ਰਿਤਸਰ, 30 ਮਾਰਚ (ਪੰਜਾਬ ਪੋਸਟ – ਸੁਖਬੀਰ ਸਿੰਘ) – ਕੋਵਿਡ-19 ਤੋਂ ਲੋਕਾਂ ਨੂੰ ਸੁਰੱਖਿਅਤ ਰੱਖਣ ਲਈ ਸਰਕਾਰ ਵੱਲੋਂ ਲਗਾਏ ਗਏ ਕਰਫਿਊ ਦੌਰਾਨ ਲੋੜਵੰਦ ਲੋਕਾਂ ਤੱਕ ਜ਼ਰੂਰਤ ਦੀਆਂ ਵਸਤਾਂ, ਲੰਗਰ ਆਦਿ ਪਹੁੰਚਾਉਣ ਲਈ ਜ਼ਿਲ੍ਹੇ ਭਰ ਵਿਚ ਬਹੁਤ ਸਾਰੀਆਂ ਸੰਸਥਾਵਾਂ ਕੰਮ ਕਰ ਰਹੀਆਂ ਹਨ।ਸਰਕਾਰ ਵੱਲੋਂ ਵੀ ਸ਼ਹਿਰ ਦੇ ਨਾਲ-ਨਾਲ ਪਿੰਡਾਂ ਤੱਕ ਇਹ ਸੇਵਾਵਾਂ ਦਿੱਤੀਆਂ ਜਾ ਰਹੀਆਂ ਹਨ।ਪੁਲਿਸ ਕਰਮਚਾਰੀ, ਪੱਤਰਕਾਰ ਵੀ ਆਪਣੇ ਤੌਰ ਉਤੇ ਵੱਡਾ ਯੋਗਦਾਨ ਇਸ ਸੇਵਾ ਵਿਚ ਪਾ ਰਹੇ ਹਨ।
               ਉਕਤ ਯਤਨਾਂ ਦੀ ਤਾਰੀਫ ਕਰਦੇ ਰਾਹਤ ਕਾਰਜਾਂ ਦੇ ਨੋਡਲ ਅਧਿਕਾਰੀ ਸੰਦੀਪ ਰਿਸ਼ੀ ਸਹਾਇਕ ਕਮਿਸ਼ਨਰ ਕਾਰਪੋਰੇਸ਼ਨ ਨੇ ਕਿਹਾ ਕਿ ਜੋ ਵੀ ਵਿਅਕਤੀ ਲੋੜਵੰਦਾਂ ਦੀ ਸਹਾਇਤਾ ਕਰਨੀ ਚਾਹੁੰਦੇ ਹਨ, ਉਹ ਜਿਲ੍ਹਾ ਪ੍ਰਸ਼ਾਸ਼ਨ ਵੱਲੋਂ ਰਾਹਤ ਕੰਮਾਂ ਲਈ ਬਣਾਏ ਕੰਟਰੋਲ ਰੂਮ 0183-2500698 ਅਤੇ 2500798 ਉਤੇ ਸੰਪਰਕ ਜ਼ਰੂਰ ਕਰਨ, ਤਾਂ ਜੋ ਉਨਾਂ ਨੂੰ ਲੋੜ ਵਾਲਾ ਸਮਾਨ, ਉਸ ਦੀ ਪੈਕਿੰਗ, ਲੋੜ ਵਾਲੇ ਖੇਤਰ ਆਦਿ ਬਾਰੇ ਜਾਣਕਾਰੀ ਦਿੱਤੀ ਜਾ ਸਕੇ।