ਬੀਮਾਰੀ ਜੋ ਕਰੋਨਾ ਦੀ……

ਦੁਨੀਆਂ ‘ਤੇ ਆਈ ਹੈ, ਬੀਮਾਰੀ ਜੋ ਕਰੋਨਾ ਦੀ।
ਜੰਗ ਤੋਂ ਵੀ ਭੈੜੀ ਮਹਾਂ-ਮਾਰੀ ਜੋ ਕਰੋਨਾ ਦੀ।

ਬੁਰਾ ਹਾਲ ਕੀਤਾ ਪਹਿਲੋਂ ਦੁਨੀਆਂ ‘ਤੇ ਚੀਨ ਦਾ।
ਕਰੋਨਾ ਨਾਲ ਹੋਇਆ ਏ ਮੁਹਾਲ ਉਥੇ ਜੀਣ ਦਾ।
ਤਾਂ ਹੋਈ ਦੂਜੇ ਦੇਸ਼ਾਂ ਨੂੰ ਤਿਆਰੀ ਜੋ ਕਰੋਨਾ ਦੀ,
ਦੁਨੀਆਂ ‘ਤੇ ਆਈ ਹੈ ਬੀਮਾਰੀ ਜੋ ਕਰੋਨਾ ਦੀ।
ਜੰਗ ਤੋਂ ਵੀ ਭੈੜੀ ਮਹਾਂ-ਮਾਰੀ ਜੋ ਕਰੋਨਾ ਦੀ।

ਇਟਲੀ, ਇਰਾਨ ਦਾ ਵੀ ਬੁਰਾ ਹਾਲ ਹੋਇਆ ਹੈ।
ਅਮਰੀਕਾ, ਇੰਗਲੈਂਡ ਵੀ ਤਾਂ ਬੇ-ਚਾਲ ਹੋਇਆ ਹੈ।
ਤਾਂ ਜਰਮਨੀ, ਕਨੇਡਾ ਤੇ ਖ਼ੁਮਾਰੀ ਜੋ ਕਰੋਨਾ ਦੀ,
ਦੁਨੀਆਂ ‘ਤੇ ਆਈ ਹੈ ਬੀਮਾਰੀ ਜੋ ਕਰੋਨਾ ਦੀ।
ਜੰਗ ਤੋਂ ਵੀ ਭੈੜੀ ਮਹਾਂ-ਮਾਰੀ ਜੋ ਕਰੋਨਾ ਦੀ।

ਘਰ ਛੱਡ ਕੇ ਨਾ ਜਾਓ, ਰਲ ਵਾਇਰਸ ਭਜਾਓ ਜੀ।
ਕੋਈ ਵੀ ਹਿੰਮਤ ਨਾ ਹਾਰੇ, ਪਰਹੇਜ਼ ਅਪਨਾਓ ਜੀ।
ਗਰੀਬਾਂ ਨੂੰ ਬਚਾਈਏ, ਜ਼ਿੰਦ-ਮਾਰੇ ਹੋਏ ਕਰੋਨਾ ਦੀ,
ਦੁਨੀਆਂ ‘ਤੇ ਆਈ ਹੈ ਬੀਮਾਰੀ ਜੋ ਕਰੋਨਾ ਦੀ।
ਜੰਗ ਤੋਂ ਵੀ ਭੈੜੀ ਮਹਾਂ-ਮਾਰੀ ਜੋ ਕਰੋਨਾ ਦੀ।

ਸੁਣੋ! ਭਾਰਤ ਦੇ ਲੋਕੋ, ਮੇਰੀ ਇਕੋ ਹੀ ਅਪੀਲ ਹੈ।
ਪੰਜਾਬ ਵੀ ਬਚਾਈਏ, ਸਾਡੀ ਸਭ ਦੀ ਲੀਲ ਹੈ।
“ਸੁਹਲ” ਮੁੜੇ ਜ਼ਿੰਦਗ਼ੀ, ਜੋ ਹਾਰੀ ਹੈ ਕਰੋਨਾ ਦੀ,
ਦੁਨੀਆਂ ‘ਤੇ ਆਈ ਹੈ ਬੀਮਾਰੀ ਜੋ ਕਰੋਨਾ ਦੀ।
ਜੰਗ ਤੋਂ ਵੀ ਭੈੜੀ ਮਹਾਂ-ਮਾਰੀ ਜੋ ਕਰੋਨਾ ਦੀ।

ਮਲਕੀਅਤ ‘ਸੁਹਲ’
ਗੁਰਦਾਸਪੁਰ।
ਮੋ – 9872848610