ਦੁਨੀਆਂ ਕਈ ਰੰਗਾਂ ਦੀ (ਕਵਿਤਾ)

ਇਹ ਦੁਨੀਆਂ ਹੈ ਕਈ ਰੰਗਾਂ ਦੀ,
ਕਈ ਕੱਜਿਆਂ ਤੇ ਕਈ ਨੰਗਾਂ ਦੀ।
ਕਈ ਪਾ ਕੇ ਸਭ ਕੁੱਝ ਰੋਂਦੇ ਨੇ,
ਕਈ ਭੁੱਖੇ ਰਹਿ ਕੇ ਸ਼ੁਕਰ ਮਨਾਉਂਦੇ ਨੇ।
ਕਈ ਪਾ ਕੇ ਬਣਾਉਟੀ ਮੁੱਖੜੇ,
ਸਭ ਨੂੰ ਰਹਿੰਦੇ ਹਸਾਉਂਦੇ ਨੇ।
ਕਈ ਬਿਨਾਂ ਗੱਲੋਂ ਹੀ ਰੁੱਸ ਜਾਂਦੇ,
ਕਈ ਰੁੱਸਿਆ ਯਾਰ ਮਨਾਉਂਦੇ ਨੇ।
ਕਈ ਰੂਹਾਂ ਤੋਂ ਲਾਉਣ ਯਾਰੀਆਂ,
ਕਈ ਟਾਈਮ ਪਾਸ ਨੂੰ ਲਾਉਂਦੇ ਨੇ।
ਕਈ ਬਣ ਸਿਆਣੇ ਗੱਲ ‘ਤੇ ਮਿੱਟੀ ਪਾਵਣ,
ਤੇ ਕਈ ਤੇਲ ਬਲਦੀ ‘ਤੇ ਪਾਉਂਦੇ ਨੇ।
‘ਰੀਤ’ ਸਭ ਕੁੱਝ ਇੱਥੇ ਰਹਿ ਜਾਣਾ,
ਲੋਕਾਂ ਦਾ ਕੀ ਏ, ਇਹ ਤਾਂ ਕਈ ਰੰਗ ਦਿਖਾਉਂਦੇ ਨੇ।

ਰਵਨੀਤ ਕੌਰ ਢੀਂਡਸਾ
ਪਿੰਡ ਪ੍ਰੀਤਲੜੀ ।
ਮੋ – 9815767719