ਪਰਿਵਾਰ ਤੋਂ ਮਿਲੀ ਵਿਰਾਸਤ ਨੂੰ ਸੰਭਾਲਣ ਲਈ ਯਤਨਸ਼ੀਲ ਚਿੱਤਰਕਾਰਾ ਮੋਹਨਜੀਤ ਕੌਰ

ਲੌਂਗੋਵਾਲ, 6 ਅਪ੍ਰੈਲ (ਪੰਜਾਬ ਪੋਸਟ – ਜਗਸੀਰ ਸਿੰਘ) – ਪ੍ਰਸਿੱਧ ਚਿੱਤਰਕਾਰ ਇੰਦਰਜੀਤ ਸਿੰਘ ਮਾਨਸਾ ਦੀ ਭੈਣ ਅਤੇ ਨਾਮਵਰ ਵੀਡੀਓ ਡਾਇਰੈਕਟਰ ਗੁਰਦੀਪ ਸਿੰਘ ਬੰਟੀ ਦੀ ਧਰਮ ਪਤਨੀ ਮੈਡਮ ਮੋਹਨਜੀਤ ਕੌਰ ਨੇ ਹੁਣ ਤੱਕ ਅਣਗਿਣਤ ਪੇਟਿੰਗਾਂ ਹੱਥੀਂ ਤਿਆਰ ਕਰਕੇ ਅਨੇਕਾ ਮਾਣ ਸਨਮਾਨ ਹਾਸਲ ਕੀਤੇ ਹਨ।ਉਸ ਦੀਆਂ ਬਣਾਈਆਂ ਪੇਟਿੰਗਾਂ ਦੇਸ਼ ਵਿਦੇਸ਼ ਵਿੱਚ ਮਕਬੂਲ ਹਨ।ਚਿੱਤਰਕਾਰੀ ਦੇ ਖੇਤਰ ਵਿੱਚ ਸਥਾਪਿਤ ਮੋਹਨਜੀਤ ਕੌਰ ਆਪਣੀਆਂ ਪਰਿਵਾਰਕ ਜਿੰਮੇਵਾਰੀ ਵੀ ਤਨਦੇਹੀ ਨਾਲ ਨਿਭਾਉਂਦਿਆਂ ਔਰਤਾਂ ਦੇ ਕੱਪੜਿਆਂ ਦੀ ਸਿਲਾਈ ਕਢਾਈ ਦਾ ਕੰਮ ਵੀ ਕਰ ਰਹੀ ਹੈ। ਉਹ ਅਨੇਕਾਂ ਮੁਟਿਆਰਾਂ ਨੂੰ ਸਿਲਾਈ ਕਢਾਈ ਦਾ ਹੁਨਰ ਵੀ ਸਿਖਾ ਚੁੱਕੀ ਹੈ।ਅਨੇਕਾਂ ਕਲਾਵਾਂ ਦਾ ਸੁਮੇਲ ਚਿੱਤਰਕਾਰਾ ਮੋਹਨਜੀਤ ਕੌਰ ਆਪਣੇ ਪਰਿਵਾਰ ਵਿਚੋਂ ਮਿਲੀ ਚਿੱਤਰਕਾਰੀ ਦੀ ਵਿਰਾਸਤ ਨੂੰ ਸੰਭਾਲਣ ਲਈ ਯਤਨਸ਼ੀਲ ਹੈ।ਅਜਕਲ੍ਹ ਆਪਣੇ ਸਹੁਰੇ ਪਰਿਵਾਰ ਲਹਿਰਾਗਾਗਾ ਵਿਖੇ ਆਪਣੇ ਪਤੀ ਗੁਰਦੀਪ ਸਿੰਘ ਬੰਟੀ ਅਤੇ ਦੋ ਬੱਚਿਆਂ ਨਾਲ ਦੀ ਜ਼ਿੰਦਗੀ ਬਤੀਤ ਕਰ ਰਹੀ ਹੈ।