ਭੱਠਾ ਸਨਅਤ ‘ਚ ਫੈਕਟਰੀ ਐਕਟ ਸਮੇਤ ਸਾਰੇ ਕਿਰਤ ਕਾਨੂੰਨ ਕੀਤੇ ਜਾਣ ਲਾਗੂ – ਰਘੂਨਾਥ ਸਿੰਘ

ਲੌਂਗੋਵਾਲ, 27 ਮਈ (ਪੰਜਾਬ ਪੋਸਟ – ਜਗਸੀਰ ਲੌਂਗੋਵਾਲ) – ਭੱਠਾ ਮਜ਼ਦੂਰਾਂ ਵਲੋਂ ਪੰਜਾਬ ਵਿੱਚ ਭੱਠਾ ਸਨਅਤ ‘ਚ ਕਿਰਤ ਕਾਨੂੰਨਾਂ ਨੂੰ ਲਾਗੂ ਕਰਨ ਦੀ ਮੰਗ ਲਈ ਭੱਠਾ ਮਜ਼ਦੂਰਾਂ ਵਲੋਂ ਅਰੰਭ ਕੀਤੇ ਸੰਘਰਸ਼ ਦੀ ਪੁਰਜ਼ੋਰ ਹਮਾਇਤ ਪੰਜਾਬ ਸੀਟੂ ਦੇ ਜਨਰਲ ਸਕੱਤਰ ਕਾਮਰੇਡ ਰਘੁਨਾਥ ਸਿੰਘ ਨੇ ਪੰਜਾਬ ਸਰਕਾਰ ਤੋਂ ਪੁਰਜੋਰ ਮੰਗ ਕੀਤੀ ਕਿ ਭੱਠਾ ਸਨਅਤ ਵਿੱਚ ਫੈਕਟਰੀਜ਼ ਐਕਟ 1948, ਮਿਨੀਮਮ ਵੇਜਿਜ ਐਕਟ 1948, ਪੇਮੈਂਟ ਆਫ ਬੋਨਸ ਐਕਟ 1965, ਪੇਮੈਂਟ ਆਫ ਗੁਰੈਚੂਟੀ ਐਕਟ 1972, ਈ.ਐਸ.ਆਈ ਐਕਟ 1948 ਅਤੇ ਈ.ਪੀ.ਐਫ ਐਕਟ 1952 ਸਮੇਤ ਸਾਰੇ ਕਿਰਤ ਕਾਨੂੰਨ ਲਾਗੂ ਕੀਤੇ ਜਾਣ।
                  ਕਾਮਰੇਡ ਰਘੂਨਾਥ ਸਿੰਘ ਨੇ ਦੱਸਿਆ ਕਿ ਵਾਰ-ਵਾਰ ਭਰੋਸਾ ਦੇਣ ਦੇ ਬਾਵਜ਼ੂਦ ਵੀ ਪੰਜਾਬ ਸਰਕਾਰ ਵਲੋਂ ਭੱਠਾ ਸਨਅਤ ‘ਚ ਉਪਰੋਕਤ ਕਾਨੂੰਨ ਲਾਗੂ ਨਹੀਂ ਕਰਵਾਏ ਜਾ ਰਹੇ, ਜਿਸ ਕਾਰਨ ਭੱਠਾ ਮਾਲਕਾਂ ਵਲੋਂ ਮਜ਼ਦੂਰਾਂ ਦਾ ਘੋਰ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ।ਸੀਟੂ ਨੇ ਮਜ਼ਦੂਰਾਂ ਦੇ ਡੀ.ਏ ਵਿੱਚ ਵਾਧੇ ਸਬੰਧੀ 1 ਮਈ ਨੂੰ ਜਾਰੀ ਕੀਤਾ ਨੋਟੀਫਿਕੇਸ਼ਨ ਲਾਗੂ ਕੀਤੇ ਜਾਣ ਦੀ ਵੀ ਮੰਗ ਕੀਤੀ।