ਫਸਲਾਂ ਦੀ ਰਹਿੰਦ ਖੁਹੰਦ ਨੂੰ ਅੱਗ ਲਗਾਏ ਬਿਨ੍ਹਾਂ ਖੇਤੀ ਕਰ ਰਿਹਾ ਹੈ ਪਿੰਡ ਤੰਗੋਸ਼ਾਹ ਨਿਵਾਸੀ ਕਿਸਾਨ ਅਮਨਦੀਪ ਸੰਧੂ

ਪਠਾਨਕੋਟ, 12 ਨਵੰਬਰ (ਪੰਜਾਬ ਪੋਸਟ ਬਿਊਰੋ) – ਪਿੰਡ ਤੰਗੋਸ਼ਾਹ ਵਿਖੇ ਲੰਮੇ ਸਮੇਂ ਤੋਂ ਕਣਕ ਅਤੇ ਝੋਨੇ ਦੀ ਖੇਤੀ ਕਰਦਾ ਆ ਰਿਹਾ ਹਾਂ।ਪਰ ਕਦੇ ਵੀ ਅੱਜ ਤੱਕ ਫਸਲਾਂ ਦੀ ਰਹਿੰਦ ਖੁਹੰਦ ਨੂੰ ਅੱਗ ਨਹੀਂ ਲਗਾਈ ਅਤੇ ਮੁਨਾਫਾ ਵੀ ਪਹਿਲਾਂ ਨਾਲੋਂ ਬਹੁਤ ਵਧੀਆ ਕਮਾ ਰਹੇ ਹਾਂ।ਇਹ ਪ੍ਰਗਟਾਵਾ ਪਿੰਡ ਤੰਗੋਸ਼ਾਹ ਜਿਲ੍ਹਾ ਪਠਾਨਕੋਟ ਵਾਸੀ ਕਿਸਾਨ ਅਮਨਦੀਪ ਸੰਧੂ ਨੇ ਕੀਤਾ।
                 ਉਨ੍ਹਾਂ ਦੱਸਿਆ ਕਿ ਖੇਤੀਬਾੜੀ ਵਿਭਾਗ ਵੱਲੋਂ ਵੀ ਸਮੇਂ ਸਮੇਂ ਤੇ ਉਨ੍ਹਾਂ ਨੂੰ ਚੰਗੇ ਢੰਗ ਨਾਲ ਖੇਤੀ ਕਰਨ ਲਈ ਉਤਸ਼ਾਹਿਤ ਅਤੇ ਨਵੀਆਂ ਤਕਨੀਕਾਂ ਤੋਂ ਜਾਣੂ ਕਰਵਾਇਆ ਜਾਂਦਾ ਹੈ।ਉਨ੍ਹਾਂ ਦੱਸਿਆ ਕਿ ਲੰਮੇ ਸਮੇਂ ਤੋਂ ਉਨ੍ਹਾਂ ਵੱਲੋਂ ਪਿੰਡ ਤੰਗੋਸਾਹ ਵਿਖੇ ਕਣਕ ਅਤੇ ਝੋਨੇ ਦੀ ਖੇਤੀ ਕੀਤੀ ਜਾਂਦੀ ਹੈ ਅਤੇ ਅੱਜ ਤੱਕ ਕਦੇ ਵੀ ਫਸਲ ਦੀ ਰਹਿੰਦ ਖੁਹੰਦ ਨੂੰ ਅੱਗ ਨਹੀਂ ਲਗਾਈ।ਖੇਤੀ ਵਿਭਾਗ ਵੱਲੋਂ ਹੀ ਜਾਗਰੁਕ ਕਰਨ ਤੇ ਉਸ ਨੇ ਇਸ ਵਾਰ ਅਪਣਾ ਹੈਪੀਸੀਡਰ ਖਰੀਦਿਆ ਹੈ ਅਤੇ ਕਣਕ ਦੀ ਸਾਰੀ ਬਿਜ਼ਾਈ ਹੈਪੀਸੀਡਰ ਨਾਲ ਕੀਤੀ ਹੈ।
                        ਉਨ੍ਹਾਂ ਕਿਹਾ ਕਿ ਬਾਕੀ ਕਿਸਾਨਾਂ ਨੂੰ ਵੀ ਅਪੀਲ ਹੈ ਕਿ ਸਰਕਾਰ ਵੱਲੋਂ ਦਿੱਤੀਆਂ ਜਾ ਰਹੀਆਂ ਹਦਾਇਤਾਂ ਦੀ ਪਾਲਣਾ ਕਰਦੇ ਹੋਏ ਫਸਲਾਂ ਦੀ ਰਹਿੰਦ ਖੁਹੰਦ ਨੂੰ ਅੱਗ ਲਗਾਏ ਬਿਨ੍ਹਾਂ ਖੇਤੀ ਕਰਨ।