ਡਾ. ਜਤਿੰਦਰ ਕੌਰ ਨੂੰ ‘ਕਲਾ ਰਤਨ ਐਵਾਰਡ’ ਤੇ ਮੁਕੇਸ਼ ਕੁਮਾਰ ‘ਕਲਾ ਸ੍ਰੀ ਐਵਾਰਡ’ ਨਾਲ ਸਨਮਾਨਿਤ

ਅੰਮ੍ਰਿਤਸਰ, 2 ਸਤੰਬਰ (ਖੁਰਮਣੀਆਂ) – ਖ਼ਾਲਸਾ ਕਾਲਜ ਫ਼ਾਰ ਵੂਮੈਨ ਦੇ ਸੰਗੀਤ ਵਿਭਾਗ ਦੇ ਮੁਖੀ ਡਾ. ਜਤਿੰਦਰ ਕੌਰ ਨੂੰ ਗ੍ਰੇਟ ਸਪੋਰਟਸ ਕਲਚਰਲ ਕਲੱਬ ਇੰਡੀਆ ਵਲੋਂ 5ਵੇਂ ਨੈਸ਼ਨਲ ਸਪੋਰਟਸ ਡੇਅ ਐਵਾਰਡਜ਼ ਮੌਕੇ ‘ਕਲਾ ਰਤਨ ਐਵਾਰਡ’ ਅਤੇ ਤਬਲਾ ਵਾਦਕ ਮੁਕੇਸ਼ ਕੁਮਾਰ ਨੂੰ ‘ਕਲਾ ਸ਼੍ਰੀ ਐਵਾਰਡ’ ਨਾਲ ਸਨਮਾਨਿਤ ਕੀਤਾ ਗਿਆ।
                     ਕਾਲਜ ਦੇ ਪ੍ਰਿੰਸੀਪਲ ਡਾ. ਸੁਰਿੰਦਰ ਕੌਰ ਨੇ ਉਕਤ ਦੋਵੇਂ ਸ਼ਖ਼ਸੀਅਤਾਂ ਨੂੰ ਮੁਬਾਰਕਬਾਦ ਦਿੰਦੇ ਹੋਏ ਕਿਹਾ ਕਿ ਇਹ ਬਹੁਤ ਮਾਣ ਵਾਲੀ ਗੱਲ ਹੈ ਕਿ ਕਾਲਜ ਦੇ ਅਧਿਆਪਕਾਂ ਨੂੰ ਉਨ੍ਹਾਂ ਦੀਆਂ ਸ਼ਾਲਾਘਾਯੋਗ ਉਪਲਬੱਧੀਆਂ ਲਈ ਸਨਮਾਨਿਤ ਕੀਤਾ ਗਿਆ ਹੈ।ਕਾਲਜ ਦੇ ਸਮੂਹ ਸਟਾਫ਼ ਨੇ ਵੀ ਉਨ੍ਹਾਂ ਦੀ ਇਸ ਉਪਲਬਧੀ ’ਤੇ ਮੁਬਾਰਕਾਂ ਦਿੱਤੀਆਂ।