ਮਾਮਲਾ ਮਰਾਠੀ ਸਾਹਿਤ ਸੰਮੇਲਨ ਦੀ ਸਮਾਪਤੀ ਤੋਂ ਬਾਅਦ ਗੰਦਗੀ ਦੇ ਢੇਰਾਂ ਦਾ

ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘੁਮਾਣ (ਲੜਕੇ) ਕਰਵਾਈ ਸਾਫ ਸਫਾਈ

ਬਟਾਲਾ, 15 ਅਪ੍ਰੈਲ (ਨਰਿੰਦਰ ਬਰਨਾਲ) – ਬੀਤੇ ਦਿਨੀ ਕਸਬਾ ਘੁਮਾਣ ਵਿਖੇ ਮਰਾਠੀ ਸਾਹਿਤ ਸੰਮੇਲਨ ਦੌਰਾਨ ਭਾਰੀ ਰੌਣਕਾਂ ਰਹੀਆਂ, ਭਗਤ ਨਾਮ ਦੇਵ ਦੀ ਚਰਨ ਛੋਹ ਪ੍ਰਾਪਤ ਧਰਤੀ ਤੇ ਹਜ਼ਾਰਾਂ ਹੀ ਸੰਗਤਾਂ ਆਈਆਂ ਸਨ। ਮੇਲੇ ਵਿਚ ਦੇਸ਼ ਭਰ ਦੇ ਵਿਚੋਂ ਅਫਸਰ ਤੇ ਸਾਹਿਤ ਕਾਰਾਂ ਨੇ ਸਾਹਿਤ ਸੰਮੇਲਨ ਵਿਚ ਹਿੱਸਾ ਲੈਕੇ ਮੇਲੇ ਦੀ ਸੋਭਾ ਵਧਾਈ ਸੀ। ਮੇਲਾ ਖਤਮ ਹੋਣ ਤੇ ਪ੍ਰਬੰਧਕਾਂ ਵੱਲੋਂ ਸਕੂਲ ਦੀ ਸਾਫ ਸਫਾਈ ਨਹੀਂ ਸੀ ਕੀਤੀ ਗਈ ਤੇ ਇਹ ਮਸਲਾ ਪ੍ਰੈਸ ਵਿੱਚ ਜਿਉਂ ਹੀ ਆਇਆ ਤਾਂ ਸਾਫ ਸਫਾਈ ਦਾ ਕੰਮ ਸ਼ੁਰੂ ਕਰ ਦਿਤਾ। ਜਿਲ੍ਹਾਂ ਸਿੱਖਿਆ ਅਫਸਰ ਸੈਕੰਡਰੀ ਗੁਰਦਾਸਪੁਰ ਸ੍ਰੀ ਅਮਰਦੀਪ ਸਿੰਘ ਸੈਣੀ ਨੇ ਦੱਸਿਆ ਕਿ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘੁਮਾਣ (ਮੁੰਡੇ) ਗੁਰਦਾਸਪੁਰ ਦੇ ਖੇਡ ਦੇ ਮੈਦਾਨ ਤੇ ਸਕੂਲ ਦੀ ਸਾਫ ਸਫਾਈ ਕਰਵਾ ਦਿਤੀ ਗਈ। ਸਕੂਲ ਵਿਚ ਕਿਸੇ ਕਿਸਮ ਦੀ ਗੰਦਗੀ ਵਗੈਰਾ ਨਹੀਂ ਹੈ।