ਲੜਕੀਆਂ ਲਈ ਫੌਜ ਦੀ ਭਰਤੀ ਲਈ ਸੀ-ਪਾਇਟ ਦਾ ਕੈਂਪ 12 ਮਈ ਤੋਂ

ਪੱਟੀ, 9 ਮਈ (ਅਵਤਾਰ ਸਿੰਘ ਢਿੱਲੋ, ਰਣਜੀਤ ਮਾਹਲਾ) – ਇਲਾਕੇ ਦੀਆਂ ਜਿਹੜੀਆਂ ਲੜਕੀਆਂ ਨੇ ਬੀ.ਐਸ.ਐਫ, ਸੀ.ਆਰ.ਪੀ ਅਤੇ ਆਈ.ਟੀ.ਬੀ.ਪੀ ਦੇ ਫਾਰਮ ਭਰੇ ਹਨ ਉਹਨਾਂ ਦੇ ਰੋਲ ਨੰਬਰ ਵਿਭਾਗ ਦੀ ਵੈਬਸਾਈਟ ਤੇ ਪੈ ਗਏ ਹਨ।ਸੀ-ਪਾਇਟ ਕੈਂਪ ਕੈਰੋਂ ਦੇ ਇੰਚਾਰਜ ਰਿਟਾ. ਮੇਜਰ ਅਮਰਜੀਤ ਸਿੰਘ ਨੇ ਦੱਸਿਆ ਕਿ ਉਹ ਆਪਣੇ ਰੋਲ ਨੰਬਰ ਪ੍ਰਿੰਟ ਲੈ ਕੇ ਸਰੀਰਕ ਕੁਸ਼ਲਤਾ ਟੈਸਟ ਦੀ ਤਿਆਰੀ ਲਈ ਲੋੜੀਦੇ ਦਸਤਾਵੇਜ ਨਾਲ ਲੈ ਕੇ ਸੀ-ਪਾਇਟ ਕੈਂਪ ਕੈਰੋਂ (ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਕੈਰੋ) ਵਿਖੇ 12 ਮਈ ਨੂੰ ਸਵੇਰੇ 9 ਵਜੇ ਪੁੱਜ ਜਾਣ।ਉਹਨਾਂ ਕਿਹਾ ਕਿ ਸੀ-ਪਾਇਟ ਪੰਜਾਬ ਸਰਕਾਰ ਦਾ ਅਦਾਰਾ ਹੈ, ਜਿਥੇ ਸਿਖਲਾਈ ਸਰਕਾਰ ਵੱਲੋਂ ਮੁਫਤ ਮੁਹੱਈਆ ਕਰਵਾਈ ਜਾਂਦੀ ਹੈ।ਇਸ ਮੌਕ ਤੇੇ ਜੀ.ਡੀ.ਆਈ ਨਿਰਵੈਲ ਸਿੰਘ, ਸ਼ੀਤਲ ਕੁਮਾਰ, ਈ.ਆਈ, ਦਲਜੀਤ ਸਿੰਘ ਯੂਨੀਅਰ ਅਸੀਸਟੈਂਟ, ਗੁਰਸੇਵਕ ਸਿੰਘ ਪੰਨੂ ਕੈਰੀਅਰ ਗਾਂਈਡੈਂਸ ਅਫਸਰ ਪੱਟੀ ਆਦਿ ਮੌਜੂਦ ਸਨ।