ਓਵਰ ਸਪੀਡ ਵਾਹਨਾਂ ਤੇ ਕੱਸਿਆ ਸਿਕੰਜਾ

ਅੰਮ੍ਰਿਤਸਰ, 14 ਜੂਨ (ਗੁਰਚਰਨ ਸਿੰਘ) – ਟਰੈਫਿਕ ਪੁਲਿਸ ਵਿਚ ਤਾਇਨਾਤ ਏ.ਐੱਸ.ਆਈ. ਸਤਨਾਮ ਸਿੰਘ ਵੱਲੌ ਆਪਣੀ ਪੂਰੀ ਟੀਮ ਨਾਲ ਐਲੀਵੇਟਿਡ ਰੋਡ ਉੱਪਰ ਨਾਕਾ ਲਗਾ ਕੇ ਸਪੀਡ ਟਰੇਸਿੰਗ ਗੰਨ ਨਾਲ ਵਾਹਨਾਂ ਦੀ ਸਪੀਡ ਚੈੱਕ ਕਰਕੇ ਓਵਰ ਸਪੀਡ ਵਾਹਨਾਂ ਦੇ ਚਲਾਨ ਕੱਟੇ  ਗਏ। ਏ.ਐੱਸ.ਆਈ.ਸਤਨਾਮ ਸਿੰਘ ਨੇ ਦੱਸਿਆ ਕਿ ਐਲੀਵੇਟਿਡ ਰੋਡ ਉਪਰ ਵਾਹਣ ਚਾਲਕ ਬਹੁਤ ਤੇਜ ਰਫਤਰ ਨਾਲ ਗੱਡੀਆਂ ਚਲਾਉਂਦੇ ਹਨ ਅਤੇ ਇਸ ਕਰਕੇ ਦੁਰਘਟਨਾਵਾਂ ਦਾ ਹਮੇਸ਼ਾਂ ਖਤਰਾ ਬਣਿਆ ਰਹਿੰਦਾ ਹੈ।ਇਸ ਲਈ ਸਪੀਡ ਟਰੇਸਿੰਗ ਗੰਨ ਨਾਲ ਓਵਰ ਸਪੀਡ ਚੈਕ ਕਰਨ ਲਈ ਨਾਕੇ ਤੋ 200 ਮੀਟਰ ਦੀ ਦੂਰੀ ‘ਤੇ ਖੜੇ ਹੌਲਦਾਰ ਵੱਲੋਂ ਸਪੀਡ ਟਰੇਸਿੰਗ ਗੰਨ ਨਾਲ ਵਾਹਨਾਂ ਦੀ ਸਪੀਡ ਚੈੱਕ ਕੀਤੀ ਜਾਂਦੀ ਹੈ ਅਤੇ ਓਵਰ ਸਪੀਡ ਵਾਲੇ ਵਾਹਨਾਂ ਦੀ ਜਾਣਕਾਰੀ ਵਾਇਰਲੈੱਸ ਰਾਹੀ ਨਾਕੇ ਤੇ ਦਿੱਤੀ ਜਾਂਦੀ ਹੈ। ਇਸ ਤਰਾਂ ਤੇਜ ਰਫਤਾਰ ਵਾਹਣਾ ਦੇ ਚਲਾਣ ਕੱਟੇ ਜਾਂਦੇ ਹਨ । ਉਹਨਾ ਕਿਹਾ ਕੀ ਐਲੀਵੇਟਿਡ ਰੋਡ ‘ਤੇ ਨਿਰਧਾਰਿਤ ਸਪੀਡ 55 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਸਪੀਡ ਤੋ ਉੱਪਰ ਚੱਲਣ ਵਾਲੇ ਵਾਹਨਾਂ ਨੂੰ ਕਿਸੇ ਵੀ ਸੁਰਤ ਵਿਚ ਬਖ਼ਸ਼ਿਆ ਨਹੀਂ ਜਾਵੇਗਾ ।