ਮੁਲਾਜ਼ਮਾਂ ਦੀਆਂ ਅਣਗੌਲੀਆਂ ਜਾ ਰਹੀਆਂ ਮੰਗਾਂ ਹੱਲ ਨਾ ਹੋਈਆਂ ਤਾਂ ਹੋਵੇਗਾ ਐਕਸ਼ਨ- ਪ੍ਰਧਾਨ ਮੱਲ੍ਹੀ

ਅਲ਼ਗੋਂ ਕੋਠੀ, 23 ਜੂਨ (ਹਰਦਿਆਲ ਸਿੰਘ ਭੈਣੀ) – ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਇੰਪਲਾਈਜ਼ ਯੂਨੀਅਨ ਜਿਲ੍ਹਾ ਤਰਨ ਤਾਰਨ ਦੇ ਪ੍ਰਧਾਨ ਗੁਰ ਸਾਹਿਬ ਮੱਲ੍ਹੀ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਹੈ ਕਿ ਮੁਲਾਜਮਾਂ ਦੇ ਜੋ ਮਸਲੇ ਹਨ, ਉਨਾਂ ਨੂੰ ਹੱਲ ਕਰਵਾਉਣ ਲਈ ਯੂਨੀਅਨ ਵਚਨਬੱਧ ਹੈ।ਉਨਾਂ ਦੱਸਿਆ ਕਿ ਮੁੱਖ ਮੰਗਾਂ ਵਿੱਚ ਠੇਕੇ ‘ਤੇ ਕੰਮ ਕਰਦੇ ਮੁਲਾਜ਼ਮਾਂ ਨੂੰ ਤੁਰੰਤ ਬਹਾਲ ਕਰਕੇ ਬਣਦੀ ਤਨਖਾਹ ਜਾਰੀ ਕਰਨਾ, ਟਰੋਲ ‘ਤੇ ਕੰਮ ਕਰਦੇ ਕਾਮਿਆਂ ਦੀ ਸੇਵਾ ਰੈਗੁਲਰ ਕਰਨਾ ਅਤੇ ਉਹਨਾਂ ਦੀ ਕਈ-ਕਈ ਮਹੀਨਿਆਂ ਦੀਆਂ ਤਨਖਾਹਾਂ ਜਾਰੀ ਕਰਨੀਆਂ ਆਦਿ ਮੰਗਾਂ ਸ਼ਾਮਲ ਹਨ ਅਤੇ ਇਹ ਮੰਗਾਂ ਅਧੂਰੀਆਂ ਪਈਆਂ ਹਨ ਹਨ ਤੇ ਸਰਕਾਰੀ ਅਧਿਕਾਰੀ ਇੰਨਾਂ ‘ਤੇ ਗੌਰ ਨਹੀਂ ਕਰ ਰਹੇ।ਸ੍ਰ. ਮੱਲ੍ਹੀ ਨੇ ਕਿਹਾ ਕਿ ਟਾਮ ਮਟੋਲ ਦੀ ਨੀਤੀ ਅਪਨਾਣੀ ਹੋਣ ਕਰਕੇ ਇਹ ਮੁੱਖ ਮੰਗਾਂ ਬਾਰ-ਬਾਰ ਅਫਸਰਸ਼ਾਹੀ ਦੇ ਧਿਆਨ ਵਿੱਚ ਲਿਆਂਦੀਆਂ ਗਈਆਂ ਹਨ, ਪਰ ਮੰਗਾਂ ਨੂੰ ਅਣਗੋਲਿਆਂ ਕਰ ਕੇ ਸਾਰਾ ਸਟਾਫ 24 ਘੰਟੇ ਸੀਵਰੇਜ ਤੇ ਫਲੱਸ਼ਾਂ ਦੇ ਸਰਵੇ ‘ਤੇ ਤਾਇਨਾਤ ਕੀਤਾ ਹੋਇਆ ਹੈ।
ਜਿਸ ‘ਤੇ ਪ੍ਰਧਾਨ ਗੁਰਸਾਹਿਬ ਸਿੰਘ ਮੱਲੀ ਨੇ ਮੁੜ ਸੁਚੇਤ ਕਰਦਿਆਂ ਕਿਹਾ ਹੈ ਕਿ ਸਰਵੇ ਖਤਮ ਹੋਣ ਉਪਰੰਤ ਜੋ ਠੇਕੇ ਦੇ ਕੰਮ ਕਰਦੇ ਕਾਮੇ ਬਹਾਲ ਨਾ ਕੀਤੇ ਤਾਂ ਅਣਮਿੱਥੇ ਸਮੇਂ ਤੇ ਜਥੇਬੰਦੀ ਵੱਲੋਂ ਕੋਈ ਐਕਸ਼ਨ ਕੀਤਾ ਜਾ ਸਕਦਾ ਹੈ।ਜਿਸ ਦੀ ਸਾਰੀ ਜਿੰਮੇਵਾਰੀ ਕਾਰਜਕਾਰੀ ਇੰਜੀਨੀਅਰ ਦੀ ਹੋਵੇਗੀ।