ਦੇਵਤਾ ਦੀਨ ਨਗਰ ਕੌਂਸਲ ਤੋਂ ਸੇਵਾ ਮੁਕਤ – ਸਾਬਕਾ ਪ੍ਰਧਾਨ  ਮਲਹੋਤਰਾ ਨੇ ਦਿੱਤੀਆਂ ਸ਼ੁਭਕਾਮਨਾਵਾਂ

ਜੰਡਿਆਲਾ ਗੁਰੂ, 31 ਜੁਲਾਈ (ਹਰਿੰਦਰ ਪਾਲ ਸਿੰਘ, ਵਰਿੰਦਰ ਸਿੰਘ) – ਨਗਰ ਕੌਂਸਲ ਜੰਡਿਆਲਾ ਗੁਰੂ ਵਿੱਖੇ ਬਤੌਰ ਜੁਨੀਅਰ ਅਸਿਸਟੈਂਟ ਨੌਕਰੀ ਕਰ ਰਹੇ ਦੇਵਤਾ ਦੀਨ ਨੂੰ ਨੌਕਰੀ ਦਾ ਕਾਰਜਕਾਲ ਪੂਰਾ ਹੋਣ ਤੇ ਸਥਾਨਿਕ ਪੈਲਸ ਵਿੱਚ ਰੱਖੀ ਪਾਰਟੀ ਦੋਰਾਨ ਐਡਵੋਕੇਟ ਰਾਜ ਕੁਮਾਰ ਮਲਹੋਤਰਾ ਸਾਬਕਾ ਪ੍ਰਧਾਨ ਨੇ ਸ਼ੁਭ ਕਾਮਨਾਵਾਂ ਦਿੱਤੀਆਂ।ਦੇਵਤਾ ਦੀਨ 1972ਵਿੱਚ ਨਗਰ ਕੌਂਸਲ ਜੰਡਿਆਲਾ ਗੁਰੂ ਵਿੱਖੇ ਬਤੌਰ ਕੱਚੇ ਮੁਲਾਜ਼ਮ ਤੋਂ 1973 ਵਿੱਚ ਰੈਗੁਲਰ ਅਤੇ 1974 ਵਿੱਚ ਨੌਕਰੀ ਤੇ ਪੱਕੇ ਹੋਏ। ਨੌਕਰੀ ਤੋਂ ਰਿਟਾਇਰ ਹੋਣ ਵੇਲੇ ਦੇਵਤਾ ਦੀਨ ਜੁਨੀਅਰ ਅਸਿਸਟੈਂਟ ਵੱਜੋਂ ਨਗਰ ਕੌਂਸਲ ਜੰਡਿਆਲਾ ਗੁਰੂ ਵਿੱਚ ਸੇਵਾ ਨਿਭਾਅ ਰਹੇ ਸਨ। ਉਨਾਂ੍ਹ ਦੀ ਸੇਵਾ ਮੁਕਤੀ ਮੋਕੇ ਨਗਰ ਕੌਂਸਲ ਜੰਡਿਆਲਾ ਗੁਰੂ ਦੇ ਸਮੂੰਹ ਸਟਾਫ ਨੇ ਨਿਘੀ ਵਿਦਾeਗੀ ਦਿੱਤੀ।ਇਸ ਮੌਕੇ ਨਗਰ ਕੌਂਸਲ ਜੰਡਿਆਲਾ ਗੁਰੂ ਦੇ ਸਾਬਕਾ ਪ੍ਰਧਾਨ ਅਡਵੋਕੇਟ ਰਾਜ ਕੁਮਾਰ ਮਲਹੋਤਰਾ ਨੇ ਦੇਵਤਾ ਦੀਨ ਦਾ ਸਨਮਾਨ ਕੀਤਾ ਅਤੇ ਇਮਾਨਦਾਰੀ ਨਾਲ ਨਿਭਾਈ ਨੋਕਰੀ ਲਈ ਉਹਨਾਂ ਦੀ ਪ੍ਰਸੰਸਾ ਕੀਤੀ।ਇਸ ਮੌਕੇ ਹੋਰਨਾ ਤੋਂ ਇਲਾਵਾ ਰਣਧੀਰ ਸਿੰਘ ਮਲਹੋਤਰਾ ਕੋਂਸਲਰ, ਰਾਕੇਸ਼ ਕੁਮਾਰ ਰਿੰਪੀ ਸਾਬਕਾ ਕੋਂਸਲਰ, ਮਨਜੀਤ ਸਿੰਘ ਗਰੋਵਰ, ਭੁਪਿੰਦਰ ਸਿੰਘ ਹੈਪੀ ਕੌਂਸਲਰ, ਆਦਿ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ।