ਸਮਾਰਟ ਸਿਟੀ ਨਾਲ ਅਕਾਲੀ ਦਲ ਨੇ ਚੋਣ ਵਾਆਦਾ ਕੀਤਾ ਪੂਰਾ- ਰਾਜਵਿੰਦਰ ਰਾਜ

ਅੰਮ੍ਰਿਤਸਰ, 28 ਅਗਸਤ (ਗੁਰਚਰਨ ਸਿੰਘ) – ਸਮਾਰਟ ਸਿਟੀ ਦੇ ਐਲਾਨ ਨਾਲ ਅਕਾਲੀ -ਭਾਜਪਾ ਵੱਲੋ ਲੋਕਾਂ ਨਾਲ ਚੋਣਾ ਸਮੇਂ ਕੀਤਾ ਵਾਅਦਾ ਪੂਰਾ ਕਰ ਲਿਆ ਗਿਆ।ਚੌਣਵੇਂ ਪੱਤਰਕਾਰਾ ਨੂੰ ਸੰਬੋਧਨ ਕਰਦਿਆਂ ਜਿਲ੍ਹਾਂ ਅਕਾਲੀ ਜੱਥਾ ਇਸਤਰੀ ਵਿੰਗ ਅੰਮ੍ਰਿਤਸਰ ਸ਼ਹਿਰੀ ਦੀ ਪ੍ਰਧਾਨ ਬੀਬੀ ਰਾਜਵਿੰਦਰ ਕੌਰ ਰਾਜ ਨੇ ਕਿਹਾ ਕਿ ਅਕਾਲੀ ਦਲ ਭਾਜਪਾ ਨੇ ਅੰਮ੍ਰਿਤਸਰ ਵਿਚ ਆਈ.ਆਈ.ਐਮ, ਵਿਰਾਸਤੀ ਸ਼ਹਿਰ ਦਾ ਦਰਜਾ ਤੇ ਹੁਣ ਸਮਾਰਟ ਸਿਟੀ ਜਿਡੇ ਵੱਡੇ ਪ੍ਰੋਜੈਕਟਾਂ ਨਾਲ ਅੰਮ੍ਰਿਤਸਰ ਸ਼ਹਿਰ ਦੀ ਨੁਹਾਰ ਬਦਲ ਜਾਵੇਗੀ ਤੇ ਅੰਮ੍ਰਿਤਸਰ ਸ਼ਹਿਰ ਦੁਨੀਆਂ ਦੇ ਚੋਣਵਿਆਂ ਸ਼ਹਿਰਾਂ ਦੀ ਕਤਾਰ ਵਿਚ ਆ ਜਾਵੇਗਾ।ਬੀਬੀ ਰਾਜਵਿੰਦਰ ਕੌਰ ਰਾਜ ਨੇ ਕਿਹਾ ਕਿ ਇਸ ਨਾਲ ਅੰਮ੍ਰਿਤਸਰ ਸ਼ਹਿਰ ਦੇ ਟੂਰਿਜ਼ਮ ਨੂੰ ਹੋਰ ਵਧਾਵਾ ਮਿਲੇਗਾ ਤੇ ਲੋਕਾਂ ਨੂੰ ਰੋਜਗਾਰ ਦੇ ਵੱਧ ਮੌਕੇ ਮਿਲਣ ਨਾਲ ਬੇਰੋਜਗਾਰੀ ਦੂਰ ਹੋਵੇਗੀ।ਉਨਾਂ ਕਿਹਾ ਅਕਾਲੀ ਦਲ ਭਾਜਪਾ ਨੇ ਜੋ ਆਪਣੇ ਥੋੜੇ ਸਮੇ ਵਿਚ ਪੰਜਾਬ ਵਿਚ ਭਾਰੀ ਵਿਕਾਸ ਕੀਤਾ ਹੈ, ਉਸ ਨਾਲ ਵਿਰੋਧੀਆਂ ਦੇ ਮੂੰਹ ਬੰਦ ਹੋ ਗਏ ਹਨ।