ਖਾਲੜਾ ਮੰਡੀ ਵਿੱਚ ਸ਼ਰੇਆਮ ਖੁੱਲੇ ਪਏ ਹਨ ਮੀਟਰਾਂ ਦੇ ਬਕਸੇ

ਖਾਲੜਾ, 8 ਸਤੰਬਰ (ਲਖਵਿੰਦਰ ਗੌਲਣ / ਰਣਬੀਰ ਸਿੰਘ ਗੋਲਣ)- ਜਿਲਾ ਤਰਨਤਾਰਨ ਦੇ ਅਧੀਨ ਆਉਦੇ ਪਿੰਡ ਖਾਲੜਾ ਦੀ ਮੰਡੀ ਵਿਚ ਮੀਟਰਾਂ ਦੇ ਬਕਸੇ ਸ਼ਰੇਆਮ ਖੁਲੇ ਪਏ ਹਨ ਅਤੇ ਇੰਨਾਂ ਨਾਲ ਸਿੱਧੀਆਂ ਕੁੰਡੀਆਂ ਲੱਗੀਆਂ ਹੋਈਆਂ ਹਨ, ਪਰ ਬਿਜਲੀ ਵਿਭਾਗ ਕੁੰਭਕਰਨੀ ਨੀਦਰ ਸੁੱਤਾ ਹੋਇਆ ਹੈ ਅਤੇ ਕੋਈ ਵੀ ਕਾਰਵਾਈ ਨਹੀ ਕਰ ਰਿਹਾ।ਇਸ ਦੇ ਉਲਟ ਜੇਕਰ ਕਿਸੇ ਗਰੀਬ ਦਾ ਬਿੱਲ ਅੜ ਜਾਵੇ ਤਾ ਬਿਜਲੀ ਮਹਿਕਮੇ ਵਾਲੇ ਉ ਸਦੀ ਕੋਈ ਵੀ ਗੱਲ ਨਹੀ ਸੁਣਦੇ ਅਤੇ ਬਿਨਾਂ ਕੋਈ ਵਾਰਨਿੰਗ ਦਿਤੇ ਅਤੇ ਸਿੱਧਾ ਉਸ ਦੀ ਤਾਰ ਬਕਸੇ ਵਿਚੋਂ ਕੱਟ ਕੇੋ ਸੁੱਟ ਦਿੰਦੇ ਹਨ। ਖਾਲੜਾ ਮੰਡੀ ਦੇ ਬਕਸਿਆਂ ਵਿੱਚ ਸਰੇਆਮ ਤਾਰਾਂ ਲਾ ਕੇ ਹੋ ਰਹੀ ਚੋਰੀ ਤੋਂ ਇਹ ਸਾਬਤ ਹੁੰਦਾ ਹੈ ਕਿ ਇਹ ਬਕਸੇ ਲਾਵਾਰਿਸ ਹਨ। ਇਸ ਸਬੰਧੀ ਬਿਜਲੀ ਬੋਰਡ ਦੇ ਐਸ. ਡੀ. ਓ ਬੂਟਾ ਰਾਮ ਨਾਲ 96461-13147 ਤੇ ਸੰਪਰਕ ਕੀਤਾ ਤਾ ਉਹਨਾ ਨੇ ਕਿਹਾ ਕਿ ਅਸੀਂ ਤਾ ਬਕਸੇ ਬੰਦ ਕੀਤੇ ਹੋਏ ਹਨ, ਪਰ ਹੁਣ ਦਾ ਪਤਾ ਨਹੀ ਕਿਸ ਤਰਾਂ ਖੁੱਲੇ ਪਏ ਨੇ, ਇਸ ਬਾਰੇ ਜਿਆਦਾ ਜਾਣਕਾਰੀ ਸਬੰਧਤ ਜੇ. ਈ ਕੋਲੋਂ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।