ਧੰਨ ਧੰਨ ਬਾਬਾ ਵਲੈਤ ਸ਼ਾਹ ਬਾਬਾ ਕਰੋੜੀ ਸ਼ਾਹ ਦਾ ਸਲਾਨਾ ਮੇਲਾ ਮਨਾਇਆ ਗਿਆ

ਭਿੱਖੀਵਿੰਡ, 12 ਸਤੰਬਰ (ਕੁਲਵਿੰਦਰ ਸਿੰਘ ਕੰਬੋਕੇ) ਅੱਡਾ ਭਿੱਖੀਵਿੰਡ ਤੋਂ ਥੋੜੀ ਦੂਰ ਪੈਂਦੇ ਪਿੰਡ ਮਾੜੀ ਕੰਬੋਕੇ ਵਿਖੇ ਧੰਨ ਧੰਨ ਬਾਬਾ ਵਲੈਤ ਸ਼ਾਹ ਤੇ ਬਾਬਾ ਕਰੋੜੀ ਸ਼ਾਹ ਦਾ ਸਲਾਨਾ ਮੇਲਾ ਬੜੀ ਧੂਮ-ਧਾਮ ਨਾਲ ਮਨਾਇਆ ਗਿਆ।ਇਹ ਮੇਲਾ ਹਰ ਸਾਲ 26-27 ਭਾਦਰੋਂ ਨੂੰ ਮਨਾਇਆ ਜਾਂਦਾ ਹੈ।ਜਿਸ ਦੇ ਪਹਿਲੇ ਦਿਨ ਗਾਇਕਾਂ ਦੇ ਅਖਾੜੇ ਤੋਂ ਬਾਅਦ ਕੁਸ਼ਤੀਆਂ ਤੇ ਕਬੱਡੀ ਦਾ ਮੈਚ ਕਰਵਾਇਆ ਗਿਆ ਅਤੇ ਦੂਜੇ ਦਿਨ ਗਾਇਕ ਜੋੜੀ ਵੀਰ ਦਵਿੰਦਰ ਅਤੇ ਮਿਸ ਸੁਖਰੀਤ ਕੌਰ ਵੱਲੋਂ ਆਪਣੀ ਆਵਾਜ਼ ਦੀ ਕਲਾ ਨਾਲ ਆਏ ਹੋਏ ਸਰੋਤਿਆਂ ਨੂੰ ਕੀਲੀ ਰੱਖਿਆ।ਸ਼ਾਮ ਨੂੰ ਇਲਾਕੇ ਦੀਆਂ ਨਾਮਵਰ ਟੀਮਾਂ ਦਰਮਿਆਨ ਮੈਚ ਕਰਵਾਇਆ ਗਿਆ।ਇਸ ਮੈਚ ਦੌਰਾਨ ਪਿੰਡ ਦੇ ਸਰਪੰਚ ਪਲਵਿੰਦਰ ਸਿੰਘ, ਮੁੱਖ ਮੈਂਬਰ ਸਾਹਿਬ ਸਿੰਘ, ਸੁਖਦੇਵ ਸਿੰਘ ਤੇ ਡਾ. ਤਰਸੇਮ ਸਿੰਘ ਵਲੋਂ ਹਰੇਕ ਜਾਫੀ ਨੂੰ 500 ਰੁਪਏ ਨਕਦ ਇਨਾਮ ਨਾਲ ਨਿਵਾਜਿਆ।

ਮੇਲਾ ਕਮੇਟੀ ਨੇ ਮੇੇਲੇ ਦੀ ਸੇਵਾ ਪੂਰੀ ਤਨਦੇਹੀ ਨਾਲ ਨਿਭਾਈ, ਜਿਸ ਵਿੱਚ ਸੰਦੀਪ ਸਿੰਘ ਕੰਬੋਕੇ, ਗੁਰਮੁੱਖ ਸਿੰਘ ਪੱਪੂ, ਕਾਬਲ ਸਿੰਘ ਬਿੱਲੂ, ਜੈਮਲ ਸਿੰਘ, ਗੁਰਨਾਮ ਸਿੰਘ, ਜਸਵੰਤ ਸਿੰਘ, ਕਾਬਲ ਸਿੰਘ, ਜਥੇਦਾਰ ਸਰਵਨ ਸਿੰਘ ਆੜਤੀਆ, ਸਰਪੰਚ ਨਿਸ਼ਾਨ ਸਿੰਘ, ਜਥੇਦਾਰ ਬਲਕਾਰ ਸਿੰਘ ਆਦਿ ਜਿਕਰਯੋਗ ਹਨ।ਕਬੱਡੀ ਦਾ ਮੈਚ ਨਵੇਂ ਪਿੰਡ ਦੀ ਜੱਟ ਦੀ ਟੀਮ ਨੇ ਜਿੱਤਿਆ ਅਤੇ ਕਮੈਂਟਰੀ ਰਣਜੀਤ ਸਿੰਘ ਸੁੱਗਾ ਵੱਲੋਂ ਕੀਤੀ ਗਈ ਅਤੇ ਮੇਲਾ ਸ਼ਾਂਤਮਈ ਤਰੀਕੇ ਨਾਲ ਸੰਪਨ ਹੋਇਆ।ਪੁਲਿਸ ਵੱਲੋਂ ਆਪਣੀ ਡਿਊਟੀ ਤਨਦੇਹੀ ਨਾਲ ਨਿਭਾਈ ਗਈ।ਇਸ ਮੌਕੇ ਕਬੱਡੀ ਕੋਚ ਦਿਲਬਾਗ ਸਿੰਘ ਘਰਿਆਲਾ ਵੀ ਪੁੱਜੇ ਹੋਏ ਸਨ।