ਟਰੈਕਟਰ ਟਰਾਲੀ ਪਲਟਣ ਨਾਲ ਇਕ ਵਿਅਕਤੀ ਦੀ ਮੋਤ

ਗਹਿਰੀ ਮੰਡੀ/ਤਰਸਿੱਕਾ 2 ਮਈ (ਡਾ. ਨਰਿੰਦਰ ਸਿੰਘ/ਸਿਕੰਦਰ ਸਿੰਘ)-  ਜੰਡਿਆਲਾ ਗੁਰੂ ਗਹਿਰੀ ਮੰਡੀ ਰੋਡ ਤੋਂ ਪਿੰਡ ਖਜਾਲਾ ਨੂੰ ਜਾਂਦੀ ਸੜਕ ਤੇ ਟਰੈਕਟਰ ਟਰਾਲੀ ਪਲਟਣ ਨਾਲ ਇਕ ਵਿਅਕਤੀ ਦੀ ਮੋਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਮਿਲੀ ਜਾਣਕਾਰੀ ਅਨੁਸਾਰ ਪਿੰਡ ਕੰਗ ਜਿਲਾ੍ਹ ਤਰਨਤਾਰਨ ਵਾਸੀ ਭੁਪਿੰਦਰ ਸਿੰਘ ਕਣਕ ਨਾਲ ਲੱਦੀ ਟਰਾਲੀ ਲੈ ਕੇ ਪਿੰਡ ਡੱਡੂਆਣਾ ਨੂੰ ਜਾ ਰਿਹਾ ਸੀ ਕਿ ਇਕ ਹੋਰ ਟਰੈਕਟਰ ਟਰਾਲੀ ਨੰਬਰ ਯੂ ਪੀ  23-8548  ਜਿਸ ਨੂੰ ਪਿੰਡ ਭੀਲੋਵਾਲ ਵਾਸੀ ਚਲਾ ਰਿਹਾ ਸੀ ਜਦ ਉਪਰੋਕਤ ਟਰਾਲੀ ਤੋਂ ਅੱਗੇ ਨਿਕਲਣ ਲੱਗਾ ਤਾਂ ਸਾਹਮਣੇ ਤੋਂ ਆ ਰਹੇ ਰਿਕਸ਼ਾ ਚਾਲਕ ਨੂੰ ਬਚਾਉਂਦੇ ਬਚਾਉਂਦੇ ਦੋਨੋ ਟਰੈਕਟਰ ਟਰਾਲੀ ਪਲਟ ਗਈਆਂ।ਜਿਹਨਾਂ ਵਿਚੋਂ ਪਿੰਡ ਕੰਗ ਤੋਂ ਆਈ ਟਰਾਲੀ ਦੇ ਚਾਲਕ 55 ਸਾਲਾ ਭੁਪਿੰਦਰ ਸਿੰਘ ਟਰਾਲੀ ਦੇ ਹੇਠਾਂ ਆ ਗਿਆ, ਜਿਸ ਨੂੰ ਗੰਭੀਰ ਹਾਲਤ ਵਿੱਚ ਅਮਨਦੀਪ ਹਸਪਤਾਲ ਲਿਜਾਇਆ ਗਿਆ ਪ੍ਰੰਤੂ ਹਸਪਤਾਲ ਪਹੁੰਚ ਕੇ ਭੁਪਿੰਦਰ ਸਿੰਘ ਦੀ ਮੌਤ ਹੋ ਗਈ।

ਸੂਚਨਾ ਅਨੁਸਾਰ ਪੁਲਿਸ ਚੋਂਕੀ ਗਹਿਰੀ ਮੰਡੀ ਦੀ ਪੁਲਿਸ ਵਲੋਂ ਕੇਸ ਦਰਜ ਕਰ ਕੇ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।