ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਕੈਂਪਸ ਕਮੇਟੀਆਂ ਦਾ ਗਠਨ

ਅੰਮ੍ਰਿਤਸਰ, 31 ਮਾਰਚ (ਸੁਖਬੀਰ ਖੁਰਮਣੀਆ) ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ, ਪ੍ਰੋਫੈਸਰ ਅਜਾਇਬ ਸਿੰਘ ਬਰਾੜ ਵੱਲੋਂ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਕੈਂਪਸ ਵਾਸਤੇ ਸਾਲ 2016-17 ਲਈ ਵੱਖ-ਵੱਖ ਕਮੇਟੀਆਂ ਦਾ ਗਠਨ ਕੀਤਾ ਗਿਆ ਹੈ, ਜਿਨ੍ਹਾਂ ਵਿਚ ਪ੍ਰੈਸ ਤੇ ਪਬਲੀਕੇਸ਼ਨ, ਕੈਂਪਸ, ਮੈਡੀਕਲ ਤੇ ਹੈਲਥ, ਫਾਰਮ ਤੇ ਲੈਂਡ ਸਕੇਪ, ਕਲਚਰਲ ਅਤੇ ਵਿਦੇਸ਼ਾਂ ਵਿਦਿਆਰਥੀ ਐਡਵਾਈਜ਼ਰੀ ਕਮੇਟੀਆਂ ਸ਼ਾਮਿਲ ਹਨ। ਇਨ੍ਹਾਂ ਕਮੇਟੀਆਂ ਦਾ ਗਠਨ ਯੂਨੀਵਰਸਿਟੀ ਦੇ ਕਾਰਜਾਂ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਕੀਤਾ ਗਿਆ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਰਜਿਸਟਰਾਰ, ਪ੍ਰੋ. ਸ਼ਰਨਜੀਤ ਸਿੰਘ ਢਿੱਲੋਂ ਨੇ ਦੱਸਿਆ ਕਿ ਪ੍ਰੈਸ ਤੇ ਪਬਲੀਕੇਸ਼ਨ ਕਮੇਟੀ ਦੇ ਚੇਅਰਮੈਨ ਪੰਜਾਬ ਸਕੂਲ ਆਫ ਇਕਨਾਮਿਕਸ ਤੋਂ ਪ੍ਰੋ. ਪਰਮਜੀਤ ਕੌਰ ਨੰਦਾ ਅਤੇ ਪ੍ਰੋਫੈਸਰ ਇੰਚਾਰਜ (ਪਬਲੀਕੇਸ਼ਨ ਬਿਊਰੋ) ਨੂੰ ਕਨਵੀਨਰ ਨੂੰ ਨਿਯੁਕਤ ਕੀਤਾ ਹੈ। ਕਮੇਟੀ ਦੇ ਬਾਕੀ ਮੈਂਬਰਾਂ ਵਿਚ ਸੋਸ਼ਿਆਲੋਜੀ ਦੇ ਪ੍ਰੋ. ਗੁਰਪ੍ਰੀਤ ਕੌਰ ਬੱਲ, ਫਿਜ਼ਿਕਸ ਤੋਂ ਪ੍ਰੋ. ਰਵੀ ਚਾਂਦ ਸਿੰਘ, ਮਾਈਕ੍ਰੋਬਾਇਓਲੋਜੀ ਤੋਂ ਪ੍ਰੋ. ਐਚ. ਐਸ ਸੈਣੀ ਅਤੇ ਪੰਜਾਬੀ ਅਧਿਐਨ ਸਕੂਲ ਤੋਂ ਪ੍ਰੋ. ਗੁਰਮੀਤ ਸਿੰਘ (ਅਗਲੇ ਆਦੇਸ਼ਾਂ ਤਕ) ਸ਼ਾਮਿਲ ਹਨ। ਉਨ੍ਹਾਂ ਕਿਹਾ ਕਿ ਕੈਂਪਸ ਕਮੇਟੀ ਵਿਚ ਰਾਜਨੀਤੀ ਸ਼ਾਸਤਰ ਤੋਂ ਪ੍ਰੋ. ਜਗਰੂਪ ਸਿੰਘ ਸੇਖੋਂ ਨੂੰ ਚੇਅਰਮੈਨ ਅਤੇ ਕਾਰਜਕਾਰੀ ਇੰਜੀਨੀਅਰ ਨੂੰ ਕਨਵੀਨਰ ਨਿਯੁਕਤ ਕੀਤਾ ਹੈ। ਹੋਰਨਾਂ ਮੈਂਬਰਾਂ ਵਿਚ ਜ਼ੂਆਲੋਜੀ ਵਿਭਾਗ ਤੋਂ ਪ੍ਰੋ. ਅਨੀਸ਼ ਦੁਆ, ਕੈਮਿਸਟਰੀ ਤੋਂ ਪ੍ਰੋ. ਮਨੋਜ ਕੁਮਾਰ, ਫੂਡ ਸਾਇੰਸ ਐਂਡ ਟੈਕਨਾਲੋਜੀ ਤੋਂ ਪ੍ਰੋ. ਦਲਬੀਰ ਸਿੰਘ, ਸੁਰੱਖਿਆ ਅਫਸਰ, ਲੈਂਡਸਕੇਪ ਅਫਸਰ, ਟੀਚਰਜ਼ ਅਤੇ ਨਾਨ-ਟੀਚਿੰਗ ਐਸੋਸੀਏਸ਼ਨ ਦੇ ਪ੍ਰਧਾਨ ਸ਼ਾਮਿਲ ਹਨ। ਉਨ੍ਹਾਂ ਕਿਹਾ ਕਿ ਬਾਇਟੈਕਨਾਲੋਜੀ ਤੋਂ ਪ੍ਰੋ. ਗੁਰਚਰਨ ਕੌਰ ਨੂੰ ਮੈਡੀਕਲ ਤੇ ਹੈਲਥ ਕਮੇਟੀ ਦਾ ਚੇਅਰਮੈਨ ਅਤੇ ਹੈਲਥ ਸੈਂਟਰ ਦੇ ਸੀਨੀਅਰ ਮੈਡੀਕਲ ਅਫਸਰ ਤੇ ਇੰਚਾਰਜ ਨੂੰ ਕਮੇਟੀ ਦੇ ਕਨਵੀਨਰ ਨਿਯੁਕਤ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਫੂਡ ਸਾਇੰਸ ਐਂਡ ਟੈਕਨਾਲੋਜੀ ਤੋਂ ਪ੍ਰੋ. ਦਲਬੀਰ ਸਿੰਘ ਸੋਗੀ, ਫਾਰਮਾਸਿਊਟੀਕਲਸ ਸਾਇੰਸਜ਼ ਤੋਂ ਪ੍ਰੋ. ਸੁਬੀਤ ਜੈਨ, ਸਪੋਰਟਸ ਮੈਡੀਸਨ ਐਂਡ ਫਿਜ਼ੀਓਥੀਰੈਪੀ ਤੋਂ ਪ੍ਰੋ. ਸ਼ਿਆਮਲ ਕੌਲੇ, ਸੀਨੀਅਰ ਮੋਸਟ ਮੈਡੀਕਲ ਅਫਸਰ, ਟੀਚਰਜ਼, ਆਫੀਸਰਜ਼, ਨਾਨ-ਟੀਚਿੰਗ ਐਸੋਸੀਏਸ਼ਨਾਂ ਦੇ ਪ੍ਰਧਾਨ ਨੂੰ ਕਮੇਟੀ ਦੇ ਬਾਕੀ ਮੈਬਰਾਂ ਵਿਚ ਸ਼ਾਮਿਲ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਯੂਨੀਵਰਸਿਟੀ ਦੇ ਡੀਨ, ਵਿਦਿਅਕ ਮਾਮਲੇ ਨੂੰ ਫਾਰਮ ਤੇ ਲੈਂਡ ਸਕੇਪ ਕਮੇਟੀ ਦਾ ਚੇਅਰਮੈਨ, ਅਤੇ ਲੈਂਡ ਸਕੇਪ ਅਫਸਰ ਨੂੰ ਕਨਵੀਨਰ ਨਿਯੁਕਤ ਕੀਤਾ ਗਿਆ ਹੈ। ਹੋਰਨਾਂ ਮੈਂਬਰਾਂ ਵਿਚ ਡੀਨ, ਵਿਦਿਆਰਥੀ ਭਲਾਈ, ਰਜਿਸਟਰਾਰ, ਡਿਪਟੀ ਡਾਇਰੈਕਟਰ ਖੇਡਾਂ, ਯੂਨੀਵਰਸਿਟੀ ਬਿਜ਼ਨੈਸ ਸਕੂਲ ਤੋਂ ਪ੍ਰੋ. ਅਮਰਜੀਤ ਸਿੰਘ ਸਿੱਧੂ, ਮਾਈਕ੍ਰੋਬਾਇਲੋਜੀ ਤੋਂ ਪ੍ਰੋ. ਹਰਵਿੰਦਰ ਸਿੰਘ ਸੈਣੀ, ਆਰਕੀਟੈਕਚਰ ਤੋਂ ਪ੍ਰੋ. ਕਰਮਜੀਤ ਸਿੰਘ ਚਾਹਲ ਅਤੇ ਜ਼ੂਆਲੋਜੀ ਤੋਂ ਪ੍ਰੋ. ਅਰਵਿੰਦਰ ਕੌਰ ਸ਼ਾਮਿਲ ਹਨ। ਰਜਿਸਟਰਾਰ ਨੇ ਦੱਸਿਆ ਕਿ ਕਲਚਰਲ ਕਮੇਟੀ ਦਾ ਚੇਅਰਮੈਨ ਡੀਨ, ਵਿਦਿਆਰਥੀ ਭਲਾਈ ਅਤੇ ਡਾਇਰੈਕਟਰ, ਯੁਵਕ ਭਲਾਈ ਨੂੰ ਕਨਵੀਨਰ ਨਿਯੁਕਤ ਕੀਤਾ ਹੈ। ਇਸ ਤੋਂ ਇਲਾਵਾ ਫੂਡ ਸਾਇੰਸ ਐਂਡ ਟੈਕਨਾਲੋਜੀ ਤੋਂ ਪ੍ਰੋ. ਦਲਬੀਰ ਸਿੰਘ ਸੋਗੀ, ਕੈਮਿਸਟਰੀ ਤੋਂ ਪ੍ਰੋ. ਗੀਤ ਹੁੰਦਲ, ਹਿੰਦੀ ਤੋਂ ਪ੍ਰੋ. ਸੁਧਾ ਜਤਿੰਦਰ, ਸੰਗੀਤ ਤੋਂ ਪ੍ਰੋ. ਗੁਰਪ੍ਰੀਤ ਕੌਰ, ਗੁਰੂ ਰਾਮਦਾਸ ਸਕੂਲ ਆਫ ਪਲਾਨਿੰਗ ਤੋਂ ਪ੍ਰੋ. ਅਸ਼ਵਨੀ ਕੁਮਾਰ ਲੂਥਰਾ, ਯੂਨੀਵਰਸਿਟੀ ਬਿਜ਼ਨੈਸਲ ਸਕੂਲ ਤੋਂ ਡਾ. ਗੁਰਪ੍ਰੀਤ ਕੌਰ ਰੰਧਾਵਾ ਅਤੇ ਫਾਰਮਾਸਿਊਟੀਕਲ ਸਾਇੰਸਜ਼ ਤੋਂ ਮਿਸਿਜ਼ ਰਾਜਬੀਰ ਭੱਟੀ ਬਾਕੀ ਮੈਂਬਰਾਂ ਵਿਚ ਸ਼ਾਮਿਲ ਹਨ।ਵਿਦੇਸ਼ੀ ਵਿਦਿਆਰਥੀ ਐਡਵਾਈਜ਼ਰੀ ਕਮੇਟੀ ਬਾਰੇ ਦੱਸਦਿਆਂ ਉਨ੍ਹਾਂ ਕਿਹਾ ਕਿ ਬੌਟਾਨੀਕਲ ਐਂਡ ਇਨਵਾਇਰਨਮੈਂਟਲ ਸਾਇੰਸਜ਼ ਦੇ ਪ੍ਰੋਫੈਸਰ ਅਵਿਨਾਸ਼ ਕੌਰ ਇਸ ਕਮੇਟੀ ਦੇ ਚੇਅਰਪਰਸਨ ਨਿਯੁਕਤ ਕੀਤੇ ਹਨ। ਕਮੇਟੀ ਦੇ ਬਾਕੀ ਮੈਂਬਰਾਂ ਵਿਚ ਬਾਇਓ ਟੈਕਨਾਲੋਜੀ ਤੋਂ ਪ੍ਰੋ. ਗੁਰਚਰਨ ਕੌਰ, ਮਾਈਕਰੋਬਾਇਓਲੋਜੀ ਤੋਂ ਪ੍ਰੋ. ਦਲਜੀਤ ਸਿੰਘ ਅਰੋੜਾ (ਅਗਲੇ ਆਦੇਸ਼ਾਂ ਤਕ), ਕੈਮਿਸਟਰੀ ਤੋਂ ਡਾ. ਤੇਜਵੰਤ ਸਿੰਘ ਅਤੇ ਕਾਮਰਸ ਵਿਭਾਗ ਤੋਂ ਮਨਦੀਪ ਕੌਰ ਸ਼ਾਮਿਲ ਹਨ।