ਰਮਜ਼ਾਨ-ਉਲ-ਮੁਬਾਰਕ ਦਾ ਮਹੀਨਾ ਸ਼ੁਰੂ ਹੁੰਦਿਆਂ ਹੀ ਮਸਜਿਦਾਂ ਦੀਆਂ ਰੋਣਕਾਂ ਵਿੱਚ ਵਾਧਾ

ਮਾਲੇਰਕੋਟਲ, 7 ਜੂਨ (ਹਰਮਿੰਦਰ ਸਿੰਘ ਭੱਟ) – ਸਮੁੱਚੇ ਮੁਸਲਿਮ ਵਰਗ ਵੱਲੋਂ ਅੱਜ ਸ਼ੁਰੂ ਹੋਏ ਰਮਜ਼ਾਨ-ਉਲ-ਮੁਬਾਰਕ ਮਹੀਨੇ ਦਾ ਸਵਾਗਤ ਬੜੇ ਜੋਸ਼ੋ ਖਰੋਸ਼ ਨਾਲ ਕੀਤਾ ਜਾ ਰਿਹਾ ਹੈ।ਮਾਲੇਰਕੋਟਲਾ ਦੀਆਂ ਲਗਭਗ 150 ਮਸਜਿਦਾਂ ਵਿੱਚ ਮੁਸਲਮਾਨਾਂ ਵੱਲੋਂ ਨਮਾਜ਼-ਏ-ਤਰਾਵੀ ਦੀਆਂ ਰੋਣਕਾਂ ਰਾਤ ਜਿੱਥੇ ਵੇਖਣ ਯੋਗ ਸੀ, ਉੱਥੇ ਹੀ ਮੁਸਲਮਾਨ ਭਰਾਵਾਂ ਵੱਲੋਂ ਪੰਜ ਵਕਤ ਦੀ ਨਮਾਜ਼ ਅਦਾ ਕਰਨ ਲਈ ਮਸਜਿਦਾਂ ਵੱਲ ਵਹੀਰਾਂ ਘੱਤ ਲਈਆਂ ਹਨ, ਮਸਜਿਦਾਂ ਵਿੱਚ ਅੱਜ-ਕੱਲ ਰੋਣਕਾਂ ਵੇਖਣ ਯੋਗ ਹਨ, ਕਈ ਮਸਜਿਦਾਂ ਛੋਟੀਆਂ ਹੋਣ ਕਾਰਨ ਜਗ੍ਹਾ ਦੀ ਕਿੱਲਤ ਵੀ ਵੇਖਣ ਨੂੰ ਮਿਲੀ, ਜਿਸ ਲਈ ਲੋਕਾਂ ਨੂੰ ਵੱਡੀਆਂ ਮਸਜਿਦਾਂ ਵੱਲ ਜਾਣ ਲਈ ਮਜਬੂਰ ਹੋਣਾ ਪਿਆ।