10 ਸਾਲਾਂ ਤੋਂ ਬਿਮਾਰੀ ਨਾਲ ਜੂਝ ਰਹੇ ਜਗਦੀਸ਼ ਸਿੰਘ ਵੱਲੋ ਮਦਦ ਦੀ ਗੁਹਾਰ

ਪੱਟੀ, 21 ਜੂਨ (ਰਣਜੀਤ ਸਿੰਘ ਮਾਹਲਾ)- ਪਿਛਲੇ 10-15 ਸਾਲਾਂ ਤੋ ਟੀਬੀ ਦੀ ਬਿਮਾਰੀ ਨਾਲ ਜੂਝ ਰਹੇ ਸਭਰਾ ਵਾਸੀ ਜਗਦੀਸ ਸਿੰਘ ਦੀ ਟੀ ਬੀ ਅਖੀਰਲੀ ਸਟੇਟ ਤੇ ਪਹੁੰਚ ਗਈ ਹੈ।ਜਿਸ ਨਾਲ ਉਹ ਹੋਰ ਵੀ ਬੇਵਸ ਹੋ ਗਿਆ ਹੈ ਅਤੇ ਆਪਣੇ ਬੱਚਿਆ ਦਾ ਪਾਲਣ ਪੋਸ਼ਣ ਕਰਨ ਤੋ ਵੀ ਲਾਚਾਰ ਹੋ ਗਿਆ।ਇਸ ਸਬੰਧੀ ਜਾਣਕਾਰੀ ਦੇਦੇ ਹੋਏ  ਜਗਦੀਸ ਸਿੰਘ ਨੇ ਦੱਸਿਆ ਕਿ ਮੈਂ ਟਰੈਕਟਰ ਮਕੈਨਿਕ ਦਾ ਕੰਮ ਕਰਕੇ ਆਪਣੇ ਪਰਿਵਾਰ ਦਾ ਗੁਜਾਰਾ ਕਰਦਾ ਸੀ ਤੇ ਬਿਮਾਰੀ ਦੇ ਕਾਰਨ ਉਹ ਕੰਮ ਵੀ ਨਹੀ ਕਰ ਪਾ ਰਿਹਾ ਜਿਸ ਕਰਕੇ ਘਰ ਗੁਜਾਰਾ ਹੋਣਾ ਵੀ ਬਹੁਤ ਮੁਸਿਕਲ ਹੋ ਗਿਆ ਹੈ ਤੇ ਘਰ ਦਾ ਕਿਰਾਇਆ ਵੀ ਦੇਣਾ ਮੁਸਿਕਲ ਹੋ ਗਿਆ ਹੈ ਤੇ ਪਿੰਡ ਵਾਲਿਆਂ ਦੇ ਸਹਿਯੋਗ ਨਾਲ ਅਮ੍ਰਿਤਸਰ ਉਹਨਾ ਦਾ ਇਲਾਜ ਚਲਦਾ ਸੀ, ਪਰ ਅਮ੍ਰਿਤਸਰ ਵਾਲਿਆ ਨੇ ਪੀ ਜੀ ਆਈ ਚੰਡੀਗੜ ਰੈਫਰ ਕਰ ਦਿੱਤਾ ਜਿਸ ਦਾ ਖਰਚ ਚੁੱਕਣਾ ਮੇਰੀ ਪਹੁੰਚ ਤੋ ਬਾਹਰ ਹੈ।ਉਹਨਾ ਨੇ ਸਮਾਜ ਸੇਵੀ ਸੰਸਥਾਵਾ ਅੱਗੇ ਮਦਦ ਦੀ ਗੁਹਾਰ ਲਗਾਈ ਹੈ।