ਸੁਖਬੀਰ ਬਾਦਲ ਵਲੋਂ ਅਜ਼ਾਦੀ ਦਿਹਾੜਡਾ. ਹਰਜੋਤ ਮੱਕੜ ਸਨਮਾਨਿਤ

ਅੰਮ੍ਰਿਤਸਰ, 16 ਅਗਸਤ (ਜਗਦੀਪ ਸਿੰਘ ਸੱਗੂ) – ਜਿਲਾ ਅੰਮ੍ਰਿਤਸਰ ਅਤੇ ਤਰਨਤਾਰਨ ਵਿਚ ਨਸ਼ਿਆਂ ਵਿਰੁੱਧ ਲੋਕਾਂ ਨੂੰ ਜਾਗਰੂਕ ਕਰ ਰਹੇ ਅਤੇ ਮੁਫਤ ਮੈਡੀਕਲ ਕੈਂਪ ਅਤੇ ਜਾਗਰੂਕਤਾ ਸੈਮੀਨਾਰ ਕਰਵਾਉਣ ਵਾਲੇ ਉਘੇ ਮਾਨਸਿਕ ਰੋਗਾਂ ਦੇ ਮਾਹਿਰ ਡਾ. ਹਰਜੋਤ ਸਿੰਘ ਮੱਕੜ ਨੂੰ ਉਨਾਂ ਦੀਆਂ ਸਮਾਜ ਪ੍ਰਤੀ ਸੇਵਾਵਾਂ ਨੂੰ ਦੇਖਦੇ ਹੋਏ ਅਜ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਗਾਂਧੀ ਗਰਾਊਂਡ ਵਿਖੇ ਹੋਏ ਅਜ਼ਾਦੀ ਦਿਹਾੜੇ ਦੇ ਸਮਾਗਮ ਵਿਚ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ। ਡਾ. ਮੱਕੜ ਜੋ ਕਿ ਨੌਜਵਾਨਾਂ ਨੂੰ ਨਸ਼ਾ ਛੁਡਾਉਣ ਵਿਚ ਬੜਾ ਅਹਿਮ ਰੋਲ ਅਦਾ ਕਰ ਰਹੇ ਹਨ ਨੂੰ ਪੰਜਾਬ ਸਰਕਾਰ ਵਲੋਂ ਯਾਦਗਰੀ ਚਿੰਨ ਅਤੇ ਸਰਟੀਫਿਕੇਟ ਭੇਂਟ ਕੀਤਾ ਗਿਆ। ਡਾ. ਮੱਕੜ ਇਸ ਤੋਂ ਪਹਿਲਾਂ ਗਲੋਬਲ ਹੈਲਥ ਕੇਅਰ ਐਵਾਰਡ, ਰਾਸ਼ਟਰੀ ਚਿਕਿਤਸਾ ਸ਼੍ਰੋਮਣੀ ਐਵਾਰਡ, ਆਰਕ ਆਫ ਐਕਸੀਲੈਂਟ ਐਵਾਰਡ ਅਤੇ ਨੈਸ਼ਨਲ ਹੈਲਥ ਕੇਅਰ ਅਚੀਵਰ ਐਵਾਰਡ ਨਾਲ ਸਨਮਾਨਿਤ ਹੋ ਚੁਕੇ ਹਨ ਅਤੇ ਜਨੇਵਾ ਐਵਾਰਡ ਫਾਰ ਹਿਊਮਨ ਰਾਈਟਸ ਇੰਨ ਸਾਈਕੈਟਰੀ ਲਈ 2017 ਲਈ ਨੋਮੀਨੇਸ਼ਨ ਹਨ। ਇਸ ਮੌਕੇ ਅੰਮ੍ਰਿਤਸਰ ਦੇ ਡਿਪਟੀ ਕਮਿਸ਼ਨਰ ਵਰੁਣ ਰੂਜ਼ਮ, ਪੁਲਿਸ ਕਮਿਸ਼ਨਰ ਅਮਰ ਸਿੰਘ ਚਾਹਲ, ਏ. ਡੀ. ਸੀ. ਜਨਰਲ ਤਜਿੰਦਰ ਸਿੰਘ ਸੰਧੂ, ਐਮ ਪੀ ਸ਼ਵੇਤ ਮਲਿਕ ਆਦਿ ਤੋਂ ਇਲਾਵਾ ਅੰਮ੍ਰਿਤਸਰ ਦੀਆਂ ਪ੍ਰਮੁਖ ਸਿਆਸੀ, ਸਮਾਜਿਕ ਸਖਸ਼ੀਅਤਾਂ ਹਾਜ਼ਰ ਸਨ।