ਬੀ.ਐਸ.ਐਨ.ਐਲ ਵਿਭਾਗ ਦੇ ਕਰਮਚਾਰੀਆਂ ਨੇ ਟਾਵਰ ਕੰਪਨੀ ਬਣਾਉਣ ਦਾ ਕੀਤਾ ਵਿਰੋਧ

ਫਾਜ਼ਿਲਕਾ, 16 ਦਸੰਬਰ (ਵਿਨੀਤ ਅਰੋੜਾ) – ਜੁਆਇੰਟ ਫੋਰਮ ਆਫ਼ ਬੀਐਸਐਨਐਲ ਯੂਨੀਅਨ/ਐਸੋਸੀਏਸ਼ਨ ਦੇ ਸੱਦੇ ਤੇ ਬੀਐਸਐਨਐਲ ਵਿਭਾਗ ਦੇ ਸਾਰਿਆਂ ਕਰਮਚਾਰੀਆਂ ਨੇ ਅੱਜ ਇੱਕ ਦਿਨਾਂ ਹੜ੍ਹਤਾਲ ਕਰਕੇ ਸਥਾਨਕ ਦਫ਼ਤਰ ਦੇ ਸਾਹਮਣੇ ਜ਼ੋਰਦਾਰ ਨਾਅਰੇਬਾਜੀ ਕਰਕੇ ਰੋਸ ਪ੍ਰਦਰਸ਼ਨ ਕੀਤਾ। ਹਾਜ਼ਰੀਨ ਨੂੰ ਸੰਬੋਧਤ ਕਰਦੇ ਹੋਏ ਯੂਨੀਅਨ ਦੇ ਵਿਜੈ ਵਢੇਰਾ, ਵਿਸ਼ਾਲ ਗਰੋਵਰ, ਕੁਲਭੂਸ਼ਨ ਅਰੋੜਾ, ਦੀਪਕ ਚਲਾਨਾ, ਦਰਸ਼ਨ ਰਾਮ, ਪ੍ਰੇਮ ਚੰਦ, ਸੁਸ਼ੀਲ ਕੁਮਾਰ ਅਤੇ ਹੋਰਨਾਂ ਕਰਮਚਾਰੀਆਂ ਨੇ ਕਿਹਾ ਕਿ ਹੜ੍ਹਤਾਲ ਦਾ ਮੁੱਖ ਮੰਤਵ ਬੀਐਸਐਨਐਲ ਵਿਭਾਗ ਵਿਚੋਂ ਅੱਲਗ ਟਾਵਰ ਕੰਪਨੀ ਨੂੰ ਬਣਾਉਣ ਤੋਂ ਰੋਕਣਾ ਹੈ। ਵਿਭਾਗ ਦੇ ਸਾਰਿਆਂ ਕਰਮਚਾਰੀਆਂ ਨੇ ਫੈਸਲਾ ਕੀਤਾ ਕਿ ਟਾਵਰ ਕੰਪਨੀ ਦੇ ਮਨਯੂਬਿਆਂ ਨੂੰ ਕਾਮਯਾਬ ਨਹੀਂ ਹੋਣ ਦਿੱਤਾ ਜਾਵੇਗਾ।