ਚਾਵਲਾ ਰੋਟਰੀ ਕੱਲਬ ਅੰਮ੍ਰਿਤਸਰ ਮੇਨ ਦੇ ਪ੍ਰੈਜੀਡੈਂਟ ਇਲੈਕਟ ਬਣੇ

ਅੰਮ੍ਰਿਤਸਰ, 7 ਜੂਨ (ਜਗਦੀਪ ਸਿੰਘ ਸੱਗੂ)- ਸਥਾਨਕ ਰੋਟਰੀ ਕਲੱਬ ਅੰਮ੍ਰਿਤਸਰ ਮੇਨ ਦੇ ਸੈਕਟਰੀ ਅਤੇ ਪੰਜਾਬ ਪੋਸਟ ਅਖਬਾਰ ਦੇ ਸਰਪ੍ਰਸਤ ਗੁਰਿੰਦਰ ਸਿੰਘ ਚਾਵਲਾ ਰੋਟਰੀ ਕੱਲਬ ਦੇ ਪ੍ਰੈਜੀਡੈਂਟ ਇਲੈਕਟ ਚੁਣ ਲਏ ਗਏ ਹਨ। ਕੱਲਬ ਪ੍ਰਧਾਨ ਡਾ. ਪ੍ਰਤਾਪ ਸਿੰਘ ਮਲਹੋਤਰਾ ਦੀ ਪ੍ਰਧਾਨਗੀ ਹੇਠ ਹੋਈ ਮੀਟਿੰਗ, ਜਿਸ ਵਿੱਚ ਡਾ. ਹਰਦਾਸ ਸਿੰਘ ਸੰਧੂ, ਜੇ.ਐਸ ਗਿੱਲ, ਸੁਦਰਸ਼ਨ ਕਪੂਰ, ਸੀ.ਏ ਦਵਿੰਦਰ ਸਿੰਘ, ਜੇ.ਐਸ ਕਲਸੀ ਤੋਂ ਇਲਾਵਾ ਹੋਰ ਮੈਂਬਰ ਸ਼ਾਮਲ ਹੋਏ ਵਲੋਂ ਸਰਬਸੰਤੀ ਨਾਲ ਗੁਰਿੰਦਰ ਸਿੰਘ ਚਾਵਲਾ ਦੀ ਰੋਟਰੀ ਕੱਲਬ ਅੰਮ੍ਰਿਤਸਰ ਮੇਨ ਦੇ ਪ੍ਰੈਜੀਡੈਂਟ ਇਲੈਕਟ ਵਜੋਂ ਚੋਣ ਕੀਤੀ ਗਈ। ਇਸ ਮੌਕੇ ਗੁਰਿੰਦਰ ਸਿੰਘ ਚਾਵਲਾ ਨੇ ਕਿਹਾ ਕਿ ਕਲੱਬ ਵਲੋਂ ਉਨਾਂ ਨੂੰ ਜੋ ਸੇਵਾ ਸੌਂਪੀ ਗਈ ਹੈ, ਉਸ ਨੂੰ ਉਹ ਪੂਰੀ ਤਨਦੇਹੀ ਨਾਲ ਨਿਭਾਉਣਗੇ।