ਮਰਨ ਮਗਰੋਂ ਹੰਸ ਰਾਜ ਮਦਾਨ ਦੀਆਂ ਅੱਖਾਂਦਾਨ ਕੀਤੀਆਂ

ਫਾਜ਼ਿਲਕਾ, 10 ਜਨਵਰੀ (ਵਿਨੀਤ ਅਰੋੜਾ) – ਸਥਾਨਕ ਸ਼੍ਰੀ ਰਾਮ ਮੰਦਰ ਦੇ ਨੇੜੇ ਵਾਸੀ ਹੰਸ ਰਾਜ ਮਦਾਨ ਦਾ ਬੀਤੀ ਰਾਤ ਦੇਹਾਂਤ ਹੋ ਗਿਆ।ਮ੍ਰਿਤਕ ਦੀ ਇੱਛਾ

ਮੁਤਾਬਕ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਅੱਖਾ ਦਾਨ ਕਰਨ ਸਬੰਧੀ ਰਾਮ ਸ਼ਰਨਮ ਅੱਖਾਂ ਦਾਨ ਸਹਾਇਤਾ ਸੰਮਤੀ ਫਾਜ਼ਿਲਕਾ ਦੇ ਮੈਂਬਰ ਮਹੇਸ ਲੂਨਾ ਨਾਲ ਸੰਪਰਕ ਕੀਤਾ। ਸੁਸਾਇਟੀ ਦੇ ਸੱਦੇ `ਤੇ ਮਾਤਾ ਕਰਤਾਰ ਕੌਰ ਇੰਟਰਨੈਸ਼ਨਲ ਆਈ ਬੇਂਕ ਸਰਸਾ ਦੇ ਡਾਕਟਰ ਅਜੈ ਸ਼ਰਮਾ ਮੋਨੂੰ ਦੀ ਟੀਮ ਨੇ ਉਨ੍ਹਾਂ ਦੇ ਨਿਵਾਸ ਸਥਾਨ `ਤੇ ਪਹੁੰਚ ਕੇ ਅੱਖਾਂ ਦਾਨ ਲਈ ਲੈ ਲਈਆਂ। ਸੰਮਤੀ ਮੈਂਬਰ ਦੀਨਾ ਨਾਥ ਸਚਦੇਵਾ, ਮਦਨ ਲਾਲ ਗਾਂਧੀ, ਸੰਦੀਪ ਖੁੰਗਰ, ਜਗਦੀਸ਼ ਚੰਦਰ ਕਸ਼ਿਅਪ, ਮੋਹਨ ਲਾਲ ਦਾਮੜੀ, ਪਰਵਿਸ਼ ਵਢੇਰਾ, ਗੁਲਸ਼ਨ ਗੁੰਬਰ ਅਤੇ ਹੋਰਨਾਂ ਮੈਂਬਰਾਂ ਨੇ ਅੱਖਾਂਦਾਨੀ ਦੇ ਸਰੀਰ ਤੇ ਚਾਦਰ ਪਾਕੇ ਸ਼ਰਧਾਂਜਲੀ ਭੇਂਟ ਕੀਤੀ।