ਟਿੱਪਰ ਨੇ ਕਾਰ ਨੂੰ ਮਾਰੀ ਸਾਈਡ, ਕਾਰ ਚਾਲਕ ਵਾਲ ਵਾਲ ਬਚਿਆ

ਜੰਡਿਆਲਾ ਗੁਰੂ, 5 ਫਰਵਰੀ (ਪੰਜਾਬ ਪੋਸਟ – ਹਰਿੰਦਰ ਪਾਲ ਸਿੰਘ) – ਅੱਜ ਸਵੇਰੇ ਕਰੀਬ 8:30 ਵਜੇ ਜੰਡਿਆਲਾ ਤਰਨਤਾਰਨ ਬਾਈਪਾਸ ਤੇ ਇੱਕ ਰੇਤ ਨਾਲ ਲੱਦੇ ਟਿੱਪਰ ਨੰਬਰ ਪੀ ਬੀ 08 ਸੀ ਜੀ ਟੈਂਪਪਰੇਰੀ ਜੋ ਕਿ ਜੰਡਿਆਲਾ ਸਾਈਡ ਤੋਂ ਤਰਨਤਾਰਨ ਵੱਲ ਜਾ ਰਿਹਾ ਸੀ।ਜਦਕਿ ਦੂਸਰੇ ਪਾਸਿਉਂ ਫਾਕਸਵੇਗਨ ਕਾਰ ਨੰਬਰ ਸੀ ਐਚ ਡੁਬਲੀਓ 8678  ਜਿਸਨੂੰ ਨਿਖਿੱਲ ਅਗਰਵਾਲ ਚਲਾ ਰਿਹਾ ਸੀ ।ਕਾਰ ਜਿਵੇਂ ਹੀ ਬਾਈਪਾਸ ਵਾਲ ਮੋੜ ਤੋਂ ਮੁੜਨ ਲੱਗੀ ਤਾਂ ਟਿੱਪਰ ਨੇ ਗਲਤ ਸਾਈਡ ਵੱਲ ਗੱਡੀ ਲਿਆ ਕੇ ਕਾਰ ਨੂੰ ਟੱਕਰ ਮਾਰ ਦਿੱਤੀ ।ਇਸ ਹਾਦਸੇ ਵਿੱਚ ਕਾਰ ਦਾ ਅਗਲਾ ਹਿੱਸਾ ਕਾਫੀ ਨੁਕਸਾਨੀਆ ਗਿਆ ਜਦਕਿ ਕਾਰ ਚਾਲਕ ਵਾਲ ਵਾਲ ਬਚ ਗਿਆ।ਮੌਕੇ ਤੇ ਘਟਨਾ ਵਾਲੀ ਜਗ੍ਹਾ ਤੇ ਪਹੁੰਚ ਕੇ ਪੁਲਿਸ ਪਾਰਟੀ ਨੇ ਸਤਿਥੀ ਦਾ ਜਾਇਜ਼ਾ ਲਿਆ ।