ਖਿਆਲ………

ਮਾਂ ਹਰਫ਼ ਸੱਧਰਾਂ ਤੇ ਚਾਵਾਂ ਦੀ ਮਿਸਾਲ ਹੈ,
ਮੇਰਾ ਤਾਂ ਖਿਆਲ ਇਹੋ ਤੁਹਾਡਾ ਕੀ ਖਿਆਲ ਹੈ।

ਲਾਡ ਲਡਾਉਣੇ ਤੇ ਲੋਰੀਆਂ ਸੁਣਾਉਣੀਆਂ,
ਨਿੱਤ ਮੱਥੇ ਟੇਕਣੇ ਤੇ ਮੰਨਤਾਂ ਮਨਾਉਣੀਆਂ,
ਹਰ ਬੁਰੀ ਨਜ਼ਰ ਲਈ ਮਾਂ ਬਣੀ ਢਾਲ ਹੈ,
ਮੇਰਾ ਤਾਂ ਖਿਆਲ ਇਹੋ ………………

ਦਰਦਾਂ ਦੀ ਗੱਲ ਕਰਾਂ ਮਾਂ ਡੂੰਘਾ ਦਰਦ ਹੈ,
ਹਾਉਕਿਆਂ ਦੀ ਹਾਮੀਂ ਭਰਾਂ ਮਾਂ ਹਾਉਕਾ ਸਰਦ ਹੈ,
ਖੁਸ਼ੀਆਂ ਦੇ ਗੀਤ ਵੇਲੇ ਮਾਂ ਸੋਹਣੀ ਤਾਲ ਹੈ,
ਮੇਰਾ ਤਾਂ ਖਿਆਲ ਇਹੋ ………………

ਧੁਰ ਹੇਠਾਂ ਮਾਂ ਹੈ ਮਾਂ ਧੁਰੋਂ ਵੀ ਉਤਾਂਹ ਹੈ,
ਸਵਰਗਾਂ ਤੋਂ ਸੋਹਣੀ ਮਾਂ ਦੇ ਪੈਰਾਂ ਹੇਠਾਂ ਥਾਂ ਹੈ,
ਸਮਝੋ ਤਾਂ ਮਾਂ ਹਰ ਵੇਲੇ ਨਾਲ-ਨਾਲ ਹੈ,
ਮੇਰਾ ਤਾਂ ਖਿਆਲ ਇਹੋ ਤੁਹਾਡਾ ਕੀ ਖਿਆਲ ਹੈ।

 

 

 

 

 

ਰਮੇਸ਼ ਰਾਮਪੁਰਾ
ਅੰਮ੍ਰਿਤਸਰ
ਮੋ: 88725-09405