ਇਮਾਨਦਾਰੀ ਅਜੇ ਵੀ ਜਿੰਦਾ ਹੈ

ਧੂਰੀ, 22 ਫਰਵਰੀ (ਪੰਜਾਬ ਪੋਸਟ- ਪ੍ਰਵੀਨ ਗਰਗ) – ਨੇੜਲੇ ਪਿੰਡ ਭੁੱਲਰਹੇੜੀ ਦੇ ਰਹਿਣ ਵਾਲੇ ਇੱਕ ਵਿਅਕਤੀ ਦਾ ਪਰਸ ਸਥਾਨਕ ਤਹਿਸੀਲ ਕੰਪਲੈਕਸ ਦੇ ਨਜ਼ਦੀਕ ਗੋਪਾਲ ਸਟੂਡੀਓ ਵਿਖੇ ਡਿੱਗ ਜਾਣ `ਤੇ ਪਰਸ ਵਾਪਸ ਕੀਤਾ ਗਿਆ।ਸਟੂਡੀਓ ਦੇ ਮਾਲਕ ਹਰਗੋਪਾਲ ਗੋਇਲ ਦਾ ਕਹਿਣਾ ਹੈ ਕਿ ਪਿੰਡ ਭੁੱਲਰਹੇੜੀ ਦਾ ਵਿਅਕਤੀ ਉਸ ਪਾਸ ਆਪਣੀਆਂ ਫੋਟੋਆਂ ਖਿਚਵਾਉਣ ਲਈ ਆਇਆ ਸੀ ਅਤੇ ਸ਼ਾਇਦ ਜੇਬ ਵਿੱਚੋਂ ਆਪਣਾ ਸਮਾਨ ਕੱਢਣ ਮੌਕੇ ਉਸ ਦਾ ਪਰਸ ਇੱਥੇ ਡਿੱਗ ਗਿਆ।ਪਰਸ ਮਿਲਣ `ਤੇ ਵਿਅਕਤੀ ਦੇ ਅਡੈਂਟੀ ਕਾਰਡ ਤੋਂ ਸ਼ਨਾਖਤ ਕਰਕੇ ਪਰਸ ਉਸ ਦੇ ਮਾਲਕ ਨੂੰ ਵਾਪਸ ਕਰ ਦਿੱਤਾ।ਹਰਗੋਪਾਲ ਗੋਇਲ ਵੱਲੋਂ ਪਰਸ ਵਾਪਸ ਕੀਤੇ ਜਾਣ ਦੀ ਖਬਰ ਤੋਂ ਸਾਫ ਜ਼ਾਹਰ ਹੈ ਕਿ ਇਮਾਨਦਾਰੀ ਅਜੇ ਵੀ ਜ਼ਿੰਦਾ ਹੈ ।