ਸਵੱਛ ਭਾਰਤ ਅਭਿਆਨ ਤਹਿਤ ਪਿੰਡਾਂ `ਚ ਕਚਰਾ ਟੋਇਆ ਪੁੱਟ ਕੇ ਤਿਆਰ ਕੀਤੀ ਜਾਂਦੀ ਹੈ ਜੈਵਿਕ ਖਾਦ

ਫਾਜ਼ਿਲਕਾ, 3 ਮਾਰਚ (ਪੰਜਾਬ ਪੋਸਟ- ਵਿਨੀਤ ਅਰੋੜਾ) – ਦੇਸ਼ ਭਰ ਵਿਚ ਚੱਲ ਰਹੇ ਸਵੱਛਾ ਅਭਿਆਨ ਦੇ ਤਹਿਤ ਸਮਾਜਿਕ ਅਤੇ ਦੇਸ਼ ਭਗਤੀ ਦੇ ਕੰਮਾਂ ਵਿਚ ਅੱਗੇ ਰਹਿਣ ਵਾਲੀ ਸੰਸਥਾ ਏਕਲ ਅਭਿਆਨ ਵੱਲੋਂ ਫਾਜ਼ਿਲਕਾ ਦੇ ਪਿੰਡਾਂ `ਚ ਪਿੰਡ ਦਾ ਕਚਰਾ ਟੋਇਆ ਪੁੱਟਕੇ ਉਸ ਵਿਚ ਕਚਰਾ ਇੱਕਠਾ ਕਰਕੇ ਤਿੰਨ ਮਹੀਨੇ ਤੱਕ ਬੰਦ ਰੱਖਕੇ ਵਧੀਆ ਜੈਵਿਕ ਖਾਦ ਤਿਆਰ ਕਰਨ ਦਾ ਅਭਿਆਨ ਚਲ ਰਿਹਾ ਹੈ।
ਜਾਣਕਾਰੀ ਦਿੰਦੇ ਹੋਏ ਸੰਸਥਾ ਦੇ ਗਤੀਵਿਧੀ ਪ੍ਰਮੁੱਖ ਗੁਲਾਬ ਸਿੰਘ ਨੇ ਦੱਸਿਆ ਕਿ ਇਸ ਨਾਲ ਪਿੰਡਾਂ ਦੀ ਗੰਦਗੀ ਵੀ ਦੂਰ ਹੁੰਦੀ ਹੈ ਅਤੇ ਪਿੰਡਾਂ ਵਿਚ ਸਵੱਛਤਾ ਲਿਆਈ ਜਾਂਦੀ ਹੈ। ਉੱਥੇ ਹੀ ਜੈਵਿਕ ਖਾਦ ਤਿਆਰ ਕਰਕੇ ਧਰਤੀ ਨੂੰ ਰਸਾਈਨਿਕ ਮੁਕਤ ਬਣਾਉਣ ਦਾ ਸੰਕਲਪ ਲਿਆ ਜਾਂਦਾ ਹੈ। ਏਕਲ ਅਭਿਆਨ ਵਿਭਾਗ ਦੇ ਬੁਲਾਰੇ ਹਰਬੰਸ ਲਾਲ ਨੇ ਦੱਸਿਆ ਕਿ ਫਾਜ਼ਿਲਕਾ ਜ਼ਿਲੇ ਵਿਚ ਹੁਣ ਤੱਕ 50 ਪਿੰਡਾਂ ਵਿਚ ਸੰਸਥਾ ਵੱਲੋਂ ਟੋਏ ਪੁੱਟਕੇ ਕਚਰਾ ਪਾਉਣ ਅਤੇ ਖਾਦ ਤਿਆਰ ਕਰਨ ਨਾਲ ਮੁਫ਼ਤ ਵਧੀਆ ਜੈਵਿਕ ਖਾਦ ਤਿਆਰ ਕਰਕੇ ਕਿਸਾਨਾਂ ਨੂੰ ਦਿੱਤੀ ਗਈ।