ਕੈਪਟਨ ਅਮਰਿੰਦਰ ਤੇ ਰਾਣਾ ਗੁਰਜੀਤ ਵਲੋਂ ਅੰਗ੍ਰੇਜੀ ਵਿੱਚ ਸਹੁੰ ਚੁੱਕਣ `ਤੇ ਪੰਜਾਬੀਆਂ `ਚ ਹੈਰਾਨੀ

ਚੰਡੀਗੜ, 16 ਮਾਰਚ (ਪੰਜਾਬ ਪੋਸਟ ਬਿਊਰੋ)  ਚੰਡੀਗੜ ਵਿੱਚ ਹੋਏ ਸਹੁੰ ਚੁੱਕ ਸਮਾਗਮ ਦੌਰਾਨ ਕੈਪਟਨ ਅਮਰਿੰਦਰ ਸਿੰਘ ਅਤੇ ਰਾਣਾ ਗੁਰਜੀਤ ਸਿੰਘ ਨੇ ਅੰਗ੍ਰੇਜੀ ਭਾਸ਼ਾ ਵਿੱਚ ਸਹੁੰ ਚੁੱਕੀ, ਜਦਕਿ ਬਾਕੀ ਮੰਤਰੀਆਂ ਨੇ ਮਾਂ ਬੋਲੀ ਪੰਜਾਬੀ ਵਿੱਚ ਆਪਣੇ ਅਹੁੱਦੇ ਦਾ ਹਲਫ ਲਿਆ।ਸਹੁੰ ਚੁੱਕ ਸਮਾਗਮ ਤੋਂ ਬਾਅਦ ਸ਼ਾਮ 4 ਵਜੇ ਪੰਜਾਬ ਸਿਵਲ ਸਕੱਤਰੇਤ ਵਿਖੇ ਮੁੱਖ ਮੰਤਰੀ ਦੇ ਦਫਤਰ ਵਿੱਚ ਸਰਬ ਧਰਮ ਪ੍ਰਾਰਥਨਾ ਕੀਤੀ ਗਈ।ਕੈਪਟਨ ਤੇ ਰਾਣਾ ਗੁਰਜੀਤ ਵਲੋਂ ਅੰਗ੍ਰੇਜੀ ਵਿੱਚ ਸਹੁੰ ਚੁੱਕਣ ਦੀ ਪੰਜਾਬ ਵਾਸੀਆਂ ਤੇ ਖਾਸਕਰ ਪੰਜਾਬੀ ਪ੍ਰੇਮੀਆਂ ਵਲੋਂ ਹੈਰਾਨੀ ਪ੍ਰਗਟਾਈ ਜਾ ਰਹੀ ਹੈ।