ਹਲਕਾ ਖੇਮਕਰਨ ਦੇ ਕਾਂਗਰਸੀ ਆਗੂਆਂ ਤੇ ਵਰਕਰਾਂ ਵਲੋਂ ਸੁਖਪਾਲ ਭੂਲੱਰ ਦਾ ਸਨਮਾਨ

ਅਲ਼ਗੋਂ ਕੋਠੀ, 20 ਮਾਰਚ (ਪੰਜਾਬ ਪੋਸਟ- ਹਰਦਿਆਲ ਸਿੰਘ ਭੈਣੀ, ਦਲਜਿੰਦਰ ਰਾਜਪੂਤ)  – ਹਲਕਾ ਖੇਮਕਰਨ ਤੋਂ ਭਾਰੀ ਵੋਟਾਂ ਦੇ ਫਰਕ ਨਾਲ ਵਿਰਸਾ ਸਿੰਘ ਵਲਟੋਹਾ ਨੂੰ ਮਾਤ ਦੇਣ ਵਾਲੇ ਕਾਗਰਸੀ ਉਮੀਦਵਾਰ ਸੁਖਪਾਲ ਸਿੰਘ ਭੁੱਲਰ ਨੂੰ ਵਧਾਈਆਂ ਦੇਣ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ।ਅਲ਼ਗੋਂ ਕੋਠੀ ਤੋ ਸੀਨੀਅਰ ਕਾਂਗਰਸੀ ਆਗੂ ਰਾਜ ਕੁਮਾਰ, ਬਾਊ ਰਾਮ ਅਤੇ ਦਿਲਬਾਗ ਸਿੰਘ ਅਲਗੋਂ ਨੇ ਅੱਜ ਸਾਬਕਾ ਸਿੰਚਾਈ ਮੰਤਰੀ ਗੁਰਚੇਤ ਸਿੰਘ ਭੁੱਲਰ ਅਤੇ ਸੁਖਪਾਲ ਸਿੰਘ ਭੁੱਲਰ ਨਾਲ ਮੁਲਕਾਤ ਕਰ ਕੇ ਉਨਾਂ ਨੂੰ ਹਲਕਾ ਖੇਮਕਰਨ ਦੇ ਕਾਂਗਰਸੀ ਆਗੂਆਂ ਤੇ ਵਰਕਰਾਂ ਵਲੋਂ ਸਨਮਾਨਿਤ ਕੀਤਾ।ਇਸ ਸਮੇਂ ਵਿਧਾਇਕ ਭੁੱਲਰ ਨੇ ਕਿਹਾ ਕਿ ਹਲਕੇ ਦਾ ਬਿਨਾਂ ਕਿਸੇ ਭੇਦ ਭਾਵ ਦੇ ਸਰਬਪੱਖੀ ਵਿਕਾਸ ਕਰਵਾਇਆ ਜਾਵੇਗਾ ਅਤੇ ਕਾਂਗਰਸ ਪਹਿਲ ਦੇ ਅਧਾਰ `ਤੇ ਪੰਜਾਬ ਨੂੰ ਨਸ਼ਾ ਮੁਕਤ ਕਰਨ ਕਰੇਗੀ।ਇਸ ਮੌਕੇ ਸੁਖਰਾਜ ਹਾਂਡਾ, ਵਿਜੇ ਪਾਲ, ਦਰਸ਼ਨ ਸਿੰਘ, ਬੱਬੂ ਤਰਸੇਮ ਸਿੰਘ, ਪ੍ਰਦੀਪ ਕੁਮਾਰ ਅਭੀਰਾਜ ਹਾਂਡਾ ਆਦਿ ਵੀ ਮੌਜੂਦ ਸਨ।