ਪੱਤਰਕਾਰ ਮੱਲ੍ਹੀ ਦੀ ਬੇਵਕਤੀ ਮੌਤ `ਤੇ ਸੋਗ ਦੀ ਲਹਿਰ – ਅੰਤਿਮ ਸਸਕਾਰ ਹੋਇਆ

ਜੰਡਿਆਲਾ ਗੁਰੂ, 24 ਅਪ੍ਰੈਲ (ਹਰਿੰਦਰ ਪਾਲ ਸਿੰਘ) – ਜੰਡਿਆਲਾ ਗੁਰੂ ਪਿਡ ਟਾਂਗਰਾ ਤੋਂ ਪੰਜਾਬੀ ਅਖ਼ਬਾਰ ਦੇ ਪੱਤਰਕਾਰ ਸਤਨਾਮ ਸਿਂੰਘ ਮੱਲ੍ਹੀ ਪੁੱਤਰ ਹਰਭਜਨ ਸਿਂੰਘ ਪਿੰਡ ਮਲੀਆ ਉਮਰ ਕਰੀਬ 46 ਸਾਲ ਦੀ ਬੇਵਕਤੀ ਮੌਤ ਨਾਲ ਪੱਤਰਕਾਰ ਭਾਈਚਾਰੇ ਅਤੇ ਪਿੰਡ ਮੱਲੀਆਂ ਵਿਚ ਸੋਗ ਦੀ ਲਹਿਰ ਫੈਲ ਗਈ।ਅੱਜ ਸ਼ਾਮ ਉਹਨਾ ਦਾ ਅੰਤਿਮ ਸੰਸਕਾਰ ਪਿੰਡ ਮੱਲੀਆਂ ਕਰ ਦਿਤਾ ਗਿਆ।ਮ੍ਰਿਤਕ ਦੇਹ ਨੂੰ ਅਗਨੀ ਉਨਾਂ ਦੇ ਸਪੁੱਤਰ ਨੇ ਦਿਖਾਈ ।ਇਸ ਦੌਰਾਨ ਵੱਖ ਵੱਖ ਰਾਜਨੀਤਿਕ, ਧਾਰਮਿਕ ਅਤੇ ਸਮਾਜਿਕ ਸੰਸਥਾਵਾਂ ਤੋਂ ਇਲਾਵਾ ਜੰਡਿਆਲਾ ਗੁਰੂ ਦਾ ਸਮੂਹ ਪੱਤਰਕਾਰ ਭਾਈਚਾਰਾ ਮੌਜੂਦ ਸੀ।ਮ੍ਰਿਤਕ ਆਪਣੇ ਪਿਛੇ ਦੁਖੀ ਮਾਤਾ ਪਿਤਾ ਤੋਂ ਇਲਾਵਾ ਪਤਨੀ, ਇਕ ਲੜਕਾ ਬਾਰਵੀਂ ਕਲਾਸ ਅਤੇ ਬੀ.ਏ ਵਿਚ ਪੜਦੀ ਲੜਕੀ ਛੱਡ ਗਿਆ ਹੈ ।