ਪੁਲਿਸ ਮੁਲਾਜਮਾਂ ਲਈ ਕੰਟੀਨ, ਜਿੰਮ, ਆਰ.ਓ ਤੇ ਮਾਡਰਨ ਕੰਟਰੋਲ ਰੂਮ ਦਾ ਆਈ.ਜੀ ਛੀਨਾ ਵਲੋਂ ਉਦਘਾਟਨ

ਬਠਿੰਡਾ, 24 ਮਈ (ਪੰਜਾਬ ਪੋਸਟ- ਅਵਤਾਰ ਸਿੰਘ ਕੈਂਥ, ਜਸਵਿੰਦਰ ਸਿੰਘ ਜੱਸੀ) – ਇੰਸਪੈਕਟਰ ਜਨਰਲ ਪੁਲਿਸ ਬਠਿੰਡਾ ਜੋਨ ਦੇ ਮੁਖਵਿੰਦਰ ਸਿੰਘ ਛੀਨਾ ਵਲੋਂ ਪੁਲਿਸ ਲਾਈਨ ਵਿਖੇ ਵੱਖ-ਵੱਖ ਥਾਵਾਂ ’ਤੇ ਉਦਘਾਟਨ ਕਰਦਿਆਂ ਦੱਸਿਆ ਕਿ ਪੰਜਾਬ ਸਰਕਾਰ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਜਿਨ੍ਹਾਂ ’ਚ ਪੁਲਿਸ ਮੁਲਾਜਮਾਂ ਦੀਆਂ ਸਹੂਲਤਾਂ ਦੇ ਮੱਦੇ ਨਜ਼ਰ ਮਿਲਟਰੀ ਦੀ ਸੀ.ਐਸ.ਡੀ ਕੰਟੀਨ ਦੀ ਤਰਜ਼ ’ਤੇ ਹੀ ਕੰਟਰੋਲ ਰੇਟ ਵਾਲੀ ਕੰਟੀਨ ਦਾ ਉਦਘਾਟਨ ਕੀਤਾ ਗਿਆ ਤਾਂ ਜੋ ਪੁਲਿਸ ਮੁਲਾਜਮ ਨਿੱਤ ਵਰਤੋਂ ਵਾਲੀਆਂ ਘਰੇਲੂ ਚੀਜ਼ਾਂ ਕੰਟਰੋਲ ਰੇਟ ’ਤੇ ਹੀ ਖਰੀਦ ਸਕਣ।ਪੁਲਿਸ ਮੁਲਾਜਮਾਂ ਨੂੰ ਸਿਹਤ ਪੱਖੋਂ ਫਿੱਟ ਰੱਖਣ ਲਈ ਪੁਲਿਸ ਲਾਈਨ ’ਚ ਤਿਆਰ ਕੀਤੇ ਗਏ ਇਕ ਜਿੰਮ ਅਤੇ ਆਰ.ਓ ਸਿਸਟਮ ਦਾ ਵੀ ਉਦਘਾਟਨ ਕੀਤਾ ਤਾਂ ਜੋ ਕਿ ਪੁਲਿਸ ਮੁਲਾਜਮਾਂ ਨੂੰ ਪਾਣੀ ਤੋਂ ਪੈਦਾ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਬਚਾਇਆ ਜਾ ਸਕੇ।ਉਨ੍ਹਾਂ ਨੇ ਅੱਗੇ ਦੱਸਿਆ ਸ਼ਹਿਰ ਦੀਆਂ ਅਹਿਮ ਸਥਾਨਾਂ ਦੀ ਨਿਗਰਾਨੀ ਰੱਖਣ ਲਈ ਸੀ.ਸੀ.ਟੀ ਕੈਮਰਿਆਂ ਦੇ ਕੰਟਰੋਲ ਪੈਂਨਲ ਦਾ ਮਾਡਰਨ ਕੰਟਰੋਲ ਰੂਮ ਵੀ ਤਿਆਰ ਕੀਤਾ ਗਿਆ ਹੈ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਐਸ.ਐਸ.ਪੀ ਸਮੇਤ ਹੋਰ ਵੀ ਉੱਚ ਅਧਿਕਾਰੀ ਮੌਜੂਦ ਸਨ।