ਸੱਤ ਸਾਲ ਦੀ ਮਸੂਮ ਬੱਚੀ ਹੋਈ ਹੈਵਾਨੀਅਤ ਦੀ ਸ਼ਿਕਾਰ

ਪੱਟੀ, 8 ਜੁਲਾਈ (ਰਣਜੀਤ ਸਿੰਘ ਮਾਹਲਾ) – ਇਨਸਾਨੀਅਤ ਨੂੰ ਸ਼ਰਮਸਾਰ ਕਰਦੀ ਘਟਨਾ ਸਾਹਮਣੇ ਆਈ ਹੈ। ਜਾਣਕਾਰੀ ਅਨੁਸਾਰ ਪਿੰਡ ਸਰਾਲੀ ਮੰਡਾਂ ਦੀ ਵਸਨੀਕ ਦਪਿੰਦਰਜੀਤ ਕੌਰ (ਕਾਲਪਨਿਕ ਨਾਂ) 7 ਸਾਲ ਪੁੱਤਰੀ ਅੰਗਰੇਜ਼ ਸਿੰਘ ਨਾਲ ਪਿੰਡ ਦੇ ਹੀ 22 ਸਾਲਾ ਨੋਜਵਾਨ ਵੱਲੋਂ ਦੁਸ਼ਕਰਮ ਕਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਇਸ ਸਬੰਧੀ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਲੜਕੀ ਦੇ ਪਿਤਾ ਅੰਗਰਜ਼ ਸਿੰਘ ਨੇ ਦੱਸਿਆ ਕਿ 5 ਜੁਲਾਈ ਨੂੰ ਉਹ ਆਪਣੀ ਪਤਨੀ ਦੀ ਦਵਾਈ ਲੈਣ ਲਈ ਪੱਟੀ ਗਿਆ ਸੀ ਅਤੇ ਆਪਣੀ ਲੜਕੀ ਦਪਿੰਦਰਜੀਤ ਕੌਰ ਨੂੰ ਦੁਕਾਨ ‘ਤੇ ਛੱਡ ਗਿਆ ਸੀ। ਸ਼ਾਮ 5 ਵਜੇ ਦੇ ਕਰੀਬ ਜਦੋਂ ਉੇਹ ਘਰ ਪਹੁੰਚੇ ਤਾਂ ਲੜਕੀ ਨੇ ਪੇਟ ਵਿਚ ਦਰਦ ਹੋਣ ਦੀ ਸ਼ਿਕਾਇਤ ਕੀਤੀ। ਜਿਸ ‘ਤੇ ਉਨ੍ਹਾਂ ਨੇ ਪੇਟ ਦਰਦ ਦੀ ਦਵਾਈ ਲੈ ਦਿੱਤੀ। ਅੰਗਰੇਜ਼ ਸਿੰਘ ਨੇ ਦੱਸਿਆ ਕਿ ਦਰਦ ਜ਼ਿਆਦਾ ਹੋਣ ਕਾਰਨ ਲੜਕੀ ਵੱਲੋਂ ਦੁਬਾਰਾ ਦਰਦ ਬਾਰੇ ਦੱਸਿਆ ਤਾਂ ਉਨ੍ਹਾਂ ਨੇ ਇਸ ਨੂੰ ਗੰਭੀਰਤਾਂ ਨਾਲ ਲੈਂਦਿਆਂ ਡਾਕਟਰ ਕੋਲ ਲੈ ਕੇ ਗਏ, ਜਿਥੇ ਡਾਕਟਰ ਨੇ ਦੁਸ਼ਕਰਮ ਹੋਣ ਦਾ ਖਦਸ਼ਾ ਜਤਾਇਆ।
ਉਨ੍ਹਾਂ ਦੱਸਿਆ ਕਿ ਲੜਕੀ ਦੀ ਮਾਤਾ ਵੱਲੋਂ ਪੁੱਛਣ ‘ਤੇ ਲੜਕੀ ਨੇ ਦੱਸਿਆ ਕਿ ੫ ਜੁਲਾਈ ਨੂੰ ਉਨ੍ਹਾਂ ਦੇ ਗੁਆਂਢੀ ਗੁਰਮੀਤ ਸਿੰਘ ਉਰਫ ਲੱਲੀ ਪੁੱਤਰ ਮਿਲਖਾ ਸਿੰਘ ਵਾਸੀ ਸਰਾਲੀ ਮੰਡ ਨੇ ਉਸ ਨਾਲ ਦੁਸ਼ਕਰਮ ਕੀਤਾ ਹੈ। ਇਸ ਸਬੰਧੀ ਅੰਗਰੇਜ ਸਿੰਘ ਨੇ ਆਪਣੀ ਸ਼ਿਕਾਇਤ ਮਹਿਲਾ ਵਿੰਗ ਕੋਲ ਦਰਜ ਕਰਵਾਈ ਹੈ। ਜਿਸ ‘ਤੇ ਕਾਰਵਾਈ ਕਰਦਿਆਂ ਪੁਲਸ ਪਾਰਟੀ ਐੱਸ. ਆਈ. ਮਹਿਲਾ ਵਿੰਗ ਇੰਚਾਰਜ ਕੁਲਦੀਪ ਕੌਰ ਅਤੇ ਪੂਰਨ ਸਿੰਘ ਵੱਲੋ ਦੋਸ਼ੀ ਦੀ ਭਾਲ ਕੀਤੀ ਜਾ ਰਹੀ ਹੈ ਅਤੇ ਲੜਕੀ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਪੱਟੀ ਵਿਖੇ ਭਰਤੀ ਕਰਵਾ ਦਿੱਤਾ ਗਿਆ ਹੈ। ਪੁਲਸ ਵੱਲੋਂ ਗੁਰਮੀਤ ਸਿੰਘ ਲੱਲੀ ਵਿਰੁੱਧ ਪ੍ਰੋਟੈਕਸ਼ਨ ਆਫ ਚਿਲਡਰਨ ਫਰਾਮ ਸੈਕਸੁਅਲ ਅਧੀਨ 376, 377, 4, 6, 8 ਅਧੀਨ ਪਰਚਾ ਦਰਜ ਕਰ ਲਿਆ ਗਿਆ ਹੈ।