ਸਰਕਾਰੀ ਵਿਭਾਗਾਂ ਲਈ ਮਾਰਚ ਤੋਂ ਜੀ.ਈ.ਐਮ ਪੋਰਟਲ ਤੇ ਖਰੀਦ ਕਰਨਾ ਜਰੂਰੀ – ਤਿਆਗੀ

ਅੰਮ੍ਰਿਤਸਰ, 11 ਅਕਤੂਬਰ (ਪੰਜਾਬ ਪੋਸਟ – ਪ੍ਰੀਤਮ ਸਿੰਘ) – ਪੀ.ਐਚ.ਡੀ ਚੈਂਬਰ ਆਫ ਕਾਮਰਸ ਐਂਡ ਇੰਡਸਟਰੀ ਅਤੇ ਉਦਯੋਗ ਅਤੇ ਵਪਾਰ ਵਿਭਾਗ ਪੰਜਾਬ ਨੇ ਟੈਕਸਟਾਈਲ ਮੈਨੂਫੈਕਚਰਿੰਗ ਐਸੋਸੀਏਸ਼ਨ ਟੀ.ਐਮ.ਏ ਦੇ ਸਹਿਯੋਗ ਨਾਲ ਬੱਚਤ ਭਵਨ ਵਿਖੇ ਇਕ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ।ਸੈਮੀਨਾਰ ਨੁੰ ਸੰਬੋਧਨ ਕਰਦਿਆਂ ਕੁਸ਼ ਤਿਆਗੀ  ਕਾਰੋਬਾਰੀ ਸਹਾਇਕ ਵਣਜ ਮੰਤਰਾਲਾ ਨੇ ਕਿਹਾ ਕਿ ਮਾਰਚ ਤੋਂ ਲੈ ਕੇ ਪੰਜਾਬ ਵਿਚ ਸਰਕਾਰੀ ਵਿਭਾਗਾਂ ਲਈ ਜੀ.ਈ ਐਮ ਪੋਰਟਲ ਤੋਂ ਹੁਣ ਖਰੀਦਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।ਉਨ੍ਹਾਂ ਕਿਹਾ ਕਿ ਸਰਕਾਰ-ਏ-ਮਾਰਕੀਟ ਪਲੇਸ ਇਕ ਕੌਮੀ ਪਬਲਿਕ ਪੋਰਟਲ ਹੈ, ਜੋ ਹੁਣ ਖਰੀਦਦਾਰੀ ਨੂੰ ਸਰਲ, ਪਾਰਦਰਸ਼ੀ, ਪ੍ਰਭਾਵੀ ਅਤੇ ਜਵਾਬਦੇਹ ਬਣਾ ਸਕਦੀ ਹੈ।ਤਿਆਗੀ ਨੇ ਕਿਹਾ ਜੀ ਐਮ ਪੋਰਟਲ ਦਾ ਉਦੇਸ਼ ਸਰਕਾਰ ਦੀ ਪੁਰਾਣੀ ਖਰੀਦ ਪ੍ਰਣਾਲੀ ਨੂੰ ਬਦਲਣਾ ਹੈ ਅਤੇ ਸਹੀ ਸਾਧਨਾਂ ਤੋਂ ਗੁਣਵਤਾ ਅਤੇ ਮਾਤਰਾ ਤੋਂ ਸਹੀ ਕੀਮਤ ਤੇ ਸਹੀ ਉਤਪਾਦ / ਸੇਵਾਵਾਂ ਨੂੰ ਪਹਿਲ ਦੇਣਾ ਹੈ।ਉਨ੍ਹਾਂ ਕਿਹਾ ਕਿ ਜੀ.ਆਈ.ਐਮ ਪੋਰਟਲ ‘ਤੇ ਖਰੀਦਦਾਰ ਅਤੇ ਵਿਕਰੇਤਾ ਦੋਵਾਂ ਲਈ ਰਜਿਸਟਰੇਸ਼ਨ ਪ੍ਰਕਿਰਿਆ ਨੂੰ ਕਿਸ ਤਰ੍ਹਾਂ ਉਪਯੋਗ ਕਰਨਾ ਹੈ ਦੇ ਬਾਰੇ ਜਾਣਕਾਰੀ ਦਿੱਤੀ।ਇਸ ਸੈਸ਼ਨ ਨੂੰ ਜੇ.ਐਸ ਮੱਕੜ ਈ.ਓ, ਪੀ.ਐਚ.ਡੀ ਚੈਂਬਰ, ਬਲਵਿੰਦਰਪਾਲ ਸਿੰਘ ਜੀ.ਐਮ ਡੀ.ਆਈ.ਸੀ, ਦੀਪਕ ਖੰਨਾ ਵਾਈਸ ਪ੍ਰਧਾਨ ਟੀ.ਐਮ.ਏ, ਰਾਜੀਵ ਖੰਨਾ ਸਕੱਤਰ ਟੀ.ਐਮ.ਏ ਅਤੇ ਐਸ.ਪੀ.ਏ.ਐਲ ਸੇਠ ਪ੍ਰਧਾਨ ਪੰਜਾਬ ਪ੍ਰਦੇਸ਼ ਵਪਾਰ ਮੰਡਲ ਨੇ ਵੀ ਸੰਬੋਧਨ ਕੀਤਾ।