ਕਾਰੋਬਾਰ ਬਿੳਰੋ ਦੇ ਯਤਨਾਂ ਸਦਕਾ ਰਵਿੰਦਰ ਸਿੰਘ ਨੂੰ ਮਿਲੀ ਮੈਨੇਜਰ ਦੀ ਨੋਕਰੀ

ਅੰਮ੍ਰਿਤਸਰ, 19 ਜੂਨ (ਸੁਖਬੀਰ ਸਿੰਘ) – ਪੰਜਾਬ ਸਰਕਾਰ ਦੇ ਘਰ-ਘਰ ਰੋਜਗਾਰ ਮਿਸ਼ਨ ਅਧੀਨ ਸਥਾਪਿਤ ਕੀਤਾ ਗਿਆ ਸਥਾਨਕ ਜਿਲ੍ਹਾ ਰੋਜਗਾਰ ਅਤੇ ਕਾਰੋਬਾਰ ਬਿਊਰੋ ਨੋਜਵਾਨਾ ਲਈ ਵਰਦਾਨ ਸਾਬਤ ਹੋ ਰਿਹਾ ਹੈ। ਇਸ ਵੱਲੋਂ ਰਵਿੰਦਰ ਸਿੰਘ ਪੁੱਤਰ ਹਰਪਾਲ ਸਿੰਘ ਵਾਸੀ ਅਮ੍ਰਿਤਸਰ ਨੂੰ ਪੰਜਾਬ ਸਰਕਾਰ ਦੇ ਪੰਜਾਬ ਸਟੇਟ ਰੂਰਲ ਲਾਈਵਲੀਹੁਡ ਮਿਸ਼ਨ ਦੇ ਵਿਭਾਗ ਵਿੱਚ ਐਮ.ਆਈ.ਐਸ ਮੈਨੇਜਰ ਦੀ ਨੋਕਰੀ ‘ਤੇ ਨਿਯੁੱਕਤੀ ਕਰਵਾਈ ਗਈ।
                   ਵਧੀਕ ਡਿਪਟੀ ਕਮਿਸ਼ਨਰ ਰਣਬੀਰ ਸਿੰਘ ਮੂਧਲ ਨੇ ਦੱਸਿਆ ਕਿ ਪੰਜਾਬ ਸਟੇਟ ਰੂਰਲ ਲਾਈਵਲੀਹੁਡ ਵਿਭਾਗ ਵਿੱਚ ਵੱਖ-ਵੱਖ ਪੋਸਟਾ ਲਈ ਨੋਕਰੀਆਂ ਕੱਢੀਆਂ ਗਈਆਂ ਸਨ ਅਤੇ ਇਸ ਕੰਮ ਨੂੰ ਨੇਪਰੇ ਚਾੜਨ ਦੀ ਜਿੰਮੇਵਾਰੀ ਰੋਜਗਾਰ ਬਿਊਰੋ ਅੰਮ੍ਰਿਤਸਰ ਨੂੰ ਦਿੱਤੀ ਗਈ ਸੀ।ਪ੍ਰਾਰਥੀ ਰਵਿੰਦਰ ਸਿੰਘ ਵਲੋਂ ਬਿਊਰੋ ਦੇ ਅਧਿਕਾਰੀਆਂ ਨਾਲ ਨਿੱਜੀ ਤੋਰ ‘ਤੇ ਨੋਕਰੀ ਦੇ ਮੌਕਿਆ ਦੀ ਜਾਣਕਾਰੀ ਲਈ ਸਪੰਰਕ ਕੀਤਾ ਗਿਆ।ਅਧਿਕਾਰੀਆਂ ਨੇ ਪ੍ਰਾਰਥੀ ਦੀ ਕੋਂਸਲਿੰਗ ਕਰਦੇ ਹੋਏ ਉਕਤ ਵਿਭਾਗ ਵਿੱਚ ਐਮ.ਆਈ.ਐਸ ਮੈਨੇਜਰ ਦੀ ਆਸਾਮੀ ਬਾਰੇ ਜਾਣਕਾਰੀ ਦਿੱਤੀ ਅਤੇ ਬਿਊਰੋ ਵਿੱਚ ਹੀ ਉਸਦੀ ਅਜੀ ਲਈ ਗਈ। ਇਸ ਤੋ ਬਾਅਦ ਬਿਊਰੋ ਵਿਖੇ ਹੀ ਪ੍ਰਾਰਥੀ ਦੀ ਇੰਟਰਵਿਊ ਹੋਈ ਅਤੇ ਉਸ ਦੀ ਐਮ.ਆਈ.ਐਸ ਮੈਨੇਜਰ ਦੇ ਤੋਰ ‘ਤੇ ਨਿਯੁੱਕਤੀ ਹੋ ਗਈ।ਪ੍ਰਾਰਥੀ ਰਵਿੰਦਰ ਸਿੰਘ ਦੀ ਤਨਖਾਹ 20000/ ਪ੍ਰਤੀ ਮਹੀਨਾ ਨੀਯਤ ਕੀਤੀ ਗਈ ਹੈ।ਰਵਿੰਦਰ ਸਿੰਘ ਨੇ ਪੰਜਾਬ ਸਰਕਾਰ ਦੇ ਘਰ-ਘਰ ਰੋਜਗਾਰ ਮਿਸ਼ਨ ਅਤੇ ਮਾਨਯੋਗ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਜੀ ਦਾ ਧੰਨਵਾਦ ਕੀਤਾ ਅਤੇ ਜਿਲ੍ਹਾ ਦੇ ਹੋਰ ਨੋਜਵਾਨਾਂ ਨੂੰ ਰੋਜ਼ਗਾਰ ਬਿਊਰੋ ਵਿਖੇ ਆਪਣਾ ਨਾਮ ਦਰਜ਼ ਕਰਵਾ ਕੇ ਇਸ ਮਿਸ਼ਨ ਦਾ ਵੱਧ ਤੋਂ ਵੱਧ ਲਾਭ ਲੈਣ ਦੀ ਅਪੀਲ ਕੀਤੀ।