ਮਹਾਦੇਵ ਕਨਫੈਸ਼ਨਰੀ ‘ਚ ਲੱਗੀ ਅੱਗ, ਸਭ ਕੁੱਝ ਸੜ ਕੇ ਸੁਆਹ

ਸੰਗਰੂਰ, 18 ਜਨਵਰੀ (ਜਗਸੀਰ ਲੌਂਗੋਵਾਲ) – ਲੁਧਿਆਣਾ ਦੇ ਗਿਆਸਪੁਰਾ 33 ਫੁੱਟਾ ਰੋਡ `ਤੇ ਸਥਿਤ ਗ੍ਰੇਸ ਕੰਪਲੈਕਸ ਮਹਾਦੇਵ ਕਨਫੈਕਸ਼ਨਰੀ ਦੀ ਦੁਕਾਨ `ਚ ਸ਼ਨੀਵਾਰ ਰਾਤ ਕਰੀਬ 1-00 ਵਜੇ ਲੱਗੀ ਅੱਗ ਵਿੱਚ ਦੁਕਾਨ ਦਾ ਸਾਰਾ ਸਾਮਾਨ ਸੜ ਕੇ ਸੁਆਹ ਹੋ ਗਿਆ।ਅੱਗ ਲੱਗਣ ਦਾ ਕਾਰਨ ਸ਼ਾਰਟ ਸਰਕਟ ਦੱਸਿਆ ਜਾ ਰਿਹਾ ਹੈ।ਦੁਕਾਨ ਮਾਲਕ ਵਰਿੰਦਰ ਸਿੰਘ ਨੇ ਦੱਸਿਆ ਕਿ ਸ਼ਨੀਵਾਰ ਰਾਤ ਕਰੀਬ 1:30 ਵਜੇ ਕਿਸੇ ਨੇ ਦੁਕਾਨ ਨੂੰ ਅੱਗ ਲੱਗਣ ਦੀ ਸੂਚਨਾ ਦਿੱਤੀ।ਦੁਕਾਨ `ਤੇ ਪਹੁੰਚ ਕੇ ਉਨਾਂ ਨੇ ਅੱਗ ਦੀਆਂ ਲਪਟਾਂ ਦੇਖੀਆਂ ਤਾਂ ਤੁਰੰਤ ਫਾਇਰ ਬ੍ਰਿਗੇਡ ਨੂੰ ਬੁਲਾਇਆ ਗਿਆ।ਕਰੀਬ 50 ਮਿੰਟ ਬਾਅਦ ਫਾਇਰ ਬ੍ਰਿਗੇਡ ਦੀ ਗੱਡੀ ਆ ਗਈ, ਜਿਸ ਨਾਲ ਅੱਗ `ਤੇ ਕਾਬੂ ਪਾਇਆ ਜਾ ਸਕਿਆ।ਅੱਗ ਲੱਗਣ ਕਾਰਨ ਦੁਕਾਨ `ਚ ਮੌਜ਼ੂਦ ਸਾਰਾ ਸਮਾਨ ਸੜ ਕੇ ਸੁਆਹ ਹੋ ਗਿਆ।ਵਰਿੰਦਰ ਸਿੰਘ ਨੇ ਦੱਸਿਆ ਕਿ ਅੱਗ ਨਾਲ ਉਸ ਦਾ ਕਰੀਬ 10 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਹੈ।