ਖ਼ਾਲਸਾ ਕਾਲਜ ਦੇ ਪ੍ਰੋ: ਬਲਵਿੰਦਰ ਸਿੰਘ ਨੂੰ ਯੂ. ਜੀ. ਸੀ ਨੇ ‘ਰਿਸਰਚ ਐਵਾਰਡ’ ਨਾਲ ਨਿਵਾਜਿਆ

ਅੰਮ੍ਰਿਤਸਰ, 3 ਫਰਵਰੀ (ਪ੍ਰੀਤਮ ਸਿੰਘ) – ਖ਼ਾਲਸਾ ਕਾਲਜ ਵਿਖੇ ਬਾਇਓਟੈਕਨਾਲੋਜੀ ਵਿਭਾਗ ਦੇ ਪ੍ਰੋ: ਬਲਵਿੰਦਰ ਸਿੰਘ ਨੂੰ ਯੂ. ਜੀ. ਸੀ. ਵੱਲੋਂ ‘ਰਿਸਰਚ ਐਵਾਰਡ’ ਦੇ ਸਨਮਾਨ ਨਾਲ ਨਿਵਾਜਿਆ ਗਿਆ ਹੈ।ਉਨ੍ਹਾਂ ਨੂੰ ਇਹ ਵਿਸ਼ੇ ‘ਤੇ ਚਲ ਰਹੀ ਖੋਜ ਲਈ ਦਿੱਤਾ ਗਿਆ। ਜਿਸ ਦੌਰਾਨ ਉਹ 2 ਸਾਲ ਤੱਕ ਬਾਇਓਟੈਕਨਾਲੋਜੀ ਦੇ ਇਕ ਖਾਸ ਪ੍ਰੋਜੈਕਟ ਤੇ ਸੁਤੰਤਰ ਖੋਜ ਕਰਨਗੇ। ਕਾਲਜ ਪ੍ਰਿੰਸੀਪਲ ਡਾ. ਮਹਿਲ ਸਿੰਘ ਨੇ ਉਕਤ ਪ੍ਰੋਫੈਸਰ ਨੂੰ ਐਵਾਰਡ ਮਿਲਣ ‘ਤੇ ਮੁਬਾਰਕਬਾਦ ਦਿੱਤੀ।ਉਨ੍ਹਾਂ ਕਿਹਾ ਕਿ ਪ੍ਰੋ: ਬਲਵਿੰਦਰ ਸਿੰਘ ਜਿੰਨ੍ਹਾਂ ਨੇ 41 ਕਰੀਬ ਖੋਜ ਪੱਤਰ ਲਿਖੇ ਹਨ ਤੇ ਜੋ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ਦੀ ਪੱਤ੍ਰਿਕਾ ਵਿੱਚ ਛਪ ਵੀ ਚੁੱਕੇ ਹਨ।ਉਨ੍ਹਾਂ ਕਿਹਾ ਕਿ ਬਾਇਓਟੈਕਨਾਲੋਜੀ ਖਿੱਤੇ ਵਿੱਚ ਪ੍ਰੋ: ਬਲਵਿੰਦਰ ਸਿੰਘ ਦਾ ਕਾਫ਼ੀ ਵੱਡਾ ਯੋਗਦਾਨ ਹੈ ਜਿਸ ਦੇ ਪ੍ਰਮਾਣ ਸਕਦਾ ਉਨ੍ਹਾਂ ਨੂੰ ਇਹ ਰਿਸਰਚ ਐਵਾਰਡ ਹਾਸਲ ਹੋਇਆ ਹੈ।ਉਨ੍ਹਾਂ ਕਿਹਾ ਕਿ ਪ੍ਰੋ: ਬਲਵਿੰਦਰ ਸਿੰਘ ਪਹਿਲਾਂ ਬਹੁਤ ਰਿਸਰਚ ਐਵਾਰਡ ਹਾਸਲ ਕਰ ਚੁੱਕੇ ਹਨ ਅਤੇ ਉਨ੍ਹਾਂ ਨੂੰ ‘ਯੰਗ ਸਾਇੰਸਟਿਸਟ’ ਦੇ ਸਨਮਾਨ ਨਾਲ ਵੀ ਨਿਵਾਜਿਆ ਜਾ ਚੁੱਕਾ ਹੈ।