ਪੰਜਾਬ ਦੇ 24-ਖਡੂਰ ਸਾਹਿਬ ਵਿਧਾਨ ਸਭਾ ਦੀ ਜ਼ਿਮਨੀ ਚੋਣ ਦੀਆਂ ਵੋਟਾਂ 13 ਫ਼ਰਵਰੀ ਨੂੰ

ਨਵੀਂ ਦਿੱਲੀ, 12 ਜਨਵਰੀ (ਪ.ਪ) -ਚੋਣ ਕਮਿਸ਼ਨ ਵੱਲੋਂ ਅੱਜ ਦੇਸ਼ ਦੇ ਵੱਖ-ਵੱਖ ਰਾਜਾਂ ਵਿੱਚ ਵਿਧਾਨ ਸਭਾ ਦੀਆਂ ਖਾਲੀ ਪਈਆਂ ਸੀਟਾਂ ਲਈ ਜ਼ਿਮਣੀ ਚੋਣ ਕਰਵਾਉਣ ਦਾ ਪ੍ਰੋਗਰਾਮ ਪ੍ਰਕਾਸ਼ਿਤ ਕੀਤਾ ਗਿਆ ਹੈ ।ਪੰਜਾਬ ਦੇ 24-ਖਡੂਰ ਸਾਹਿਬ ਵਿਧਾਨ ਸਭਾ ਦੀ ਜ਼ਿਮਨੀ ਚੋਣ ਵੀ ਇਸ ਵਿੱਚ ਸ਼ਾਮਲ ਹੈ । ਚੋਣ ਕਮਿਸ਼ਨ ਅਨੁਸਾਰ ਇਨ੍ਹਾਂ ਜ਼ਿਮਨੀ ਚੋਣਾਂ ਲਈ ਅਧਿਸੂਚਨਾ 20 ਜਨਵਰੀ ਨੂੰ ਅਤੇ ਨਾਮਜ਼ਦਗੀ ਭਰਨ ਲਈ ਅੰਤਿਮ ਮਿਤੀ 27 ਜਨਵਰੀ, ਨਾਮਜ਼ਦਗੀਆਂ ਦੀ ਜਾਂਚ 28 ਜਨਵਰੀ, ਨਾਮ ਵਾਪਸ ਲੈਣ ਦੀ ਅੰਤਿਮ ਮਿਤੀ 30 ਜਨਵਰੀ, ਵੋਟਾਂ ਪਾਉਣ ਦੀ ਮਿਤੀ 13 ਫ਼ਰਵਰੀ, ਵੋਟਾਂ ਦੀ ਗਿਣਤੀ 16 ਫ਼ਰਵਰੀ ਅਤੇ 18 ਫ਼ਰਵਰੀ ਤੋਂ ਪਹਿਲਾਂ ਉਪ ਚੋਣਾਂ ਸਮਾਪਤ ਹੋ ਜਾਣਗੀਆਂ।