ਚੋਣਾਂ ਨੂੰ ਲੈ ਕੇ ਪੁਲਿਸ ਪੂਰੀ ਤਰਾਂ ਮੁਸ਼ਤੈਦ, ਸ਼ੱਕੀ ਵਾਹਨਾਂ ਦੀ ਹੋ ਰਹੀ ਹੈ ਜਾਂਚ

ਧੂਰੀ, 30 ਜਨਵਰੀ (ਪੰਜਾਬ ਪੋਸਟ- ਪ੍ਰਵੀਨ ਗਰਗ) – ਸਥਾਨਕ ਭਲਵਾਨ ਵਾਲਾ ਅੱਡਾ ਦੇ ਨਜ਼ਦੀਕ ਸੁਖਵੀਰ ਸਿੰਘ ਨਾਕਾ ਇੰਚਾਰਜ ਅਤੇ ਹਰਦੀਪ ਸਿੰਘ ਏ.ਐਸ.ਆਈ ਦੀ ਅਗੁਵਾਈ ਵਿੱਚ ਅਗਾਮੀ ਚੋਣਾਂ ਨੂੰ ਲੈ ਕੇ ਸ਼ੱਕੀ ਵਾਹਨਾਂ ਦੀ ਚੈਕਿੰਗ ਕੀਤੀ ਗਈ। ਇਸ ਮੌਕੇ ਸੁਖਵੀਰ ਸਿੰਘ ਨਾਕਾ ਇੰਚਾਰਜ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ ਪੁਲਿਸ ਪੂਰੀ ਤਰਾਂ੍ਹ ਮੁਸ਼ਤੈਦ ਹੈ ਅਤੇ ਸ਼ੱਕੀ ਵਾਹਨਾਂ ਦੀ ਚੈਕਿੰਗ ਲਗਾਤਾਰ ਕੀਤੀ ਜਾ ਰਹੀ ਹੈ।ਉਹਨਾਂ ਦੱਸਿਆ ਕਿ ਪੁਲਿਸ ਵੱਲੋਂ ਆਪਣੀ ਡਿਊਟੀ ਪੂਰੀ ਸਖਤਾਈ ਨਾਲ ਨਿਭਾਈ ਜਾ ਰਹੀ ਹੈ।ਇਸ ਮੌਕੇ ਕਾਂਸਟੇਬਲ ਬੀ.ਏ.ਰਾਜੂ, ਪੀ.ਐਸ.ਰਾਓ, ਅਤੇ ਚੰਦਰਕਾਂਤ ਆਦਿ ਵੀ ਹਾਜ਼ਰ ਸਨ।