ਫੌਜ ਦੀ ਭਰਤੀ ਦੀ ਪ੍ਰੀਖਿਆ ਲਈ ਸੀ ਪਾਈਟ ਸਿੱਖਿਆ ਕੈਂਪ ਰਣੀਕੇ ਵਿਖੇ 20 ਤੋਂ

ਅੰਮ੍ਰਿਤਸਰ, 18 ਫਰਵਰੀ (ਪੰਜਾਬ ਪੋਸਟ- ਸੰਧੂ)-ਫੌਜ ਦੀ ਭਰਤੀ ਰੈਲੀ ਦੇ ਦੌਰਾਨ ਫਿਜੀਕਲੀ ਫਿਟ ਰਹਿਣ ਵਾਲੇ ਨੌਜਵਾਨਾਂ ਦੀ 20 ਫਰਵਰੀ ਦਿਨ ਸੋਮਵਾਰ ਤੋਂ ਲਿਖਤੀ ਪ੍ਰੀਖਿਆ ਦੀ ਤਿਆਰੀ ਕਰਵਾਈ ਜਾਵੇਗੀ।ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਮੇਜਰ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਅੰਮ੍ਰਿਤਸਰ 1, 2, ਅਜਨਾਲਾ,  ਬਾਬਾ ਬਕਾਲਾ ਨਾਲ ਸਬੰਧਤ ਚਾਹਵਾਨ ਉਮੀਦਵਾਰ ਆਪਣੇ ਭਰਤੀਕਾਰਡ ਦੀ ਫੋਟ ੋਕਾਪੀ ਲੈ ਕੇ ਸੋਮਵਾਰ ਸਵੇਰੇ 9 ਵਜੇ ਸੀ ਪਾਈਟ ਕੈਂਪ ਸਰਕਾਰੀ ਆਈ.ਟੀ.ਆਈ. ਰਣੀਕੇ (ਅਟਾਰੀ) ਵਿਖੇ ਰਿਪੋਰਟ ਕਰਨ।ਉਨ੍ਹਾਂ ਅੱਗੇ ਦੱਸਿਆ ਕਿ ਤਿਆਰੀ ਕੈਂਪ ਦੇ ਦੌਰਾਨ ਉਮੀਦਵਾਰ ਨੂੰ ਰਿਹਾਇਸ਼, ਖਾਣਾ ਤੇ ਪੜ੍ਹਾਈ ਮੁਫਤ ਕਰਵਾਈ ਜਾਵੇਗੀ। ਉਨ੍ਹਾਂ ਅੱਗੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਵੀ ਇਸ ਕੈਂਪ ਦੇ ਦੌਰਾਨ ਸਿੱਖਿਆ ਹਾਂਸਲ ਕਰਨ ਵਾਲੇ ਉਮੀਦਵਾਰ ਫੌਜ ਤੇ ਅਰਧ ਸੈਨਿਕ ਬਲਾਂ ਦੇ ਵਿੱਚ ਉੱਚ ਅਹੁੱਦਿਆਂ ਤੇ ਬਿਰਾਜਮਾਨ ਹਨ।ਇਸ ਮੌਕੇ ਰਵਿੰਦਰ ਸਿੰਘ ਲਹਿਰੀ, ਧਰਮ ਸਿੰਘ, ਸਰਵਨ ਸਿੰਘ, ਹਰਦੀਪ ਸਿੰਘ, ਜਗਦੀਪ ਸਿੰਘ ਆਦਿ ਹਾਜ਼ਰ ਸਨ।