ਕੈਪਟਨ ਅਮਰਿੰਦਰ ਸਿੰਘ ਨੇ ਸੌਂਪੇ 27000 ਨਿਯੁੱਕਤੀ ਪੱਤਰ- 3000 ਸਰਕਾਰੀ

ਮੋਹਾਲੀ, 5 ਸਤੰਬਰ (ਪੰਜਾਬ ਪੋਸਟ ਬਿਊਰੋ)  ਪੰਜਾਬ ਦੀ ਕਾਂਗਰਸ ਸਰਕਾਰ ਨੇ ਚੋਣ ਮੈਨੀਫੈਸਟੋ ਵਿੱਚ ਕੀਤੇ ਵਾਅਦੇ ਨੂੰ ਪੂਰਾ ਕਰਨ ਦੀ ਸ਼ੁਰੂਆਤ ਕਰਦਿਆਂ ਅੱਜ ਮੋਹਾਲੀ ਵਿੱਚ 27000 ਨਿਯੁੱਕਤੀ ਪੱਤਰ ਵੰਡੇ ਹਨ, ਜਿੰਨਾਂ ਵਿੱਚ 3000 ਸਰਕਾਰੀ ਨੌਕਰੀਆਂ ਦੱਸੀਆਂ ਜਾ ਰਹੀਆ ਹਨ। ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਇਹ ਨਿਯੁੱਕਤੀ ਪੱਤਰ ਬੀਤੇ ਦਿਨੀ ਘਰ ਘਰ ਨੌਕਰੀ ਮੁਹਿੰਮ ਤਹਿਤ ਬੇਰੋਜਗਾਰਾਂ ਪਾਸੋਂ ਲਈਆਂ ਗਈਆਂ ਅਰਜੀਆਂ ਤੋਂ ਬਾਅਦ ਵੱਖ ਵੱਖ ਨਾਮੀ ਗਰਾਮੀ ਕੰਪਨੀਆਂ ਵਲੋਂ ਲਈ ਗਈ ਇੰਟਰਵਿਊ ਤੋਂ ਬਾਅਦ ਚੁਣੇ ਗਏ ਬੇਰੋਜਗਾਰਾਂ ਨੂੰ ਦਿੱਤੇ ਗਏ ਹਨ।ਕੈਪਟਨ ਅਮਰਿੰਦਰ ਨੇ ਇਸ ਸਮੇਂ ਕਿਹਾ ਕਿ ਇਹ ਅਜੇ ਸ਼ੁਰੂਆਤ ਹੈ ਅਤੇ ਅੱਗੋਂ ਵੀ ਇਸੇ ਤਰਾਂ ਪੰਜਾਬ ਦੇ ਨੌਜਵਾਨਾਂ ਲਈ ਨੌਕਰੀਆਂ ਦਾ ਪ੍ਰਬੰਧ ਕੀਤਾ ਜਾਵੇਗਾ।