ਮਾਝਾ ਪ੍ਰੈਸ ਕਲੱਬ ਦੀ ਇਕੱਤਰਤਾ `ਚ ਗੌਰੀ ਲੰਕੇਸ਼ ਦੀ ਕੀਤੀ ਗਈ ਹੱਤਿਆ ਦੀ ਨਿਖੇਧੀ

ਗਹਿਰੀ ਮੰਡੀ, 21 ਸਤੰਬਰ (ਪੰਜਾਬ ਪੋਸਟ- ਡਾ. ਨਰਿੰਦਰ ਸਿੰਘ)  ਮਾਝਾ ਪ੍ਰੈਸ ਕੱਲਬ ਦੀ ਇਕ ਅਹਿਮ ਇਕੱਤਰਤਾ ਕਲੱਬ ਪ੍ਰਧਾਨ ਗੁਰਦੀਪ ਸਿੰਘ ਨਾਗੀ ਦੀ ਪ੍ਰਧਾਨਗੀ ਹੇਠ ਹੋਈ।ਹਰ ਮਹੀਨੇ ਹੋਣ ਵਾਲੀ ਇਸ ਇਕੱਤਰਤਾ ਦੌਰਾਨ ਬੀਤੇ ਦਿਨੀ ਕਰਨਾਟਕ ਵਿੱਚ ਉਘੀ ਪੱਤਰਕਾਰ ਤੇ ਸਮਾਜ ਸੇਵਿਕਾ ਗੌਰੀ ਲੰਕੇਸ਼ ਦੀ ਕੀਤੀ ਗਈ ਹੱਤਿਆ ਦੀ ਨਿਖੇਧੀ ਕਰਦਿਆਂ ਵਿਛੜੀ ਰੂਹ ਦੀ ਆਤਮਿਕ ਸ਼ਾਤੀ ਲਈ ਅਰਦਾਸ ਕੀਤੀ ਗਈ।ਪ੍ਰਧਾਨ ਗੁਰਦੀਪ ਸਿੰਘ ਨਾਗੀ ਨੇ ਕਿਹਾ ਕਿ ਗੌਰੀ ਲੰਕੇਸ਼ ਦੇ ਦਰਸਾਏ ਰਸਤੇ ਮੁਤਾਬਿਕ ਉਨਾਂ ਦੀ ਕਲੱਬ ਹਮੇਸ਼ਾਂ ਸੱਚ ਦੇ ਰਸਤੇ `ਤੇ ਚੱਲੇਗੀ।ਉਨਾਂ ਦੱਸਿਆ ਕਿ ਮਾਝਾ ਪ੍ਰੈਸ ਕਲੱਬ ਅੰਮ੍ਰਿਤਸਰ ਰਜਿਸਟਰਡ ਸੰਸਥਾ ਹੈ। ਮੀਟਿੰਗ ਦੌਰਾਨ ਕਲੱਬ ਦੀ ਕਨੂੰਨੀ ਮਾਨਤਾ ਲਈ ਰਜਿਸਟਰੇਸ਼ਨ ਜਲਦ ਰੀਨਿਊ ਕਰਵਾਉਣ ਦਾ ਮਤਾ ਵੀ ਪਾਸ ਕੀਤਾ ਗਿਆ।