ਗੈਂਗਸਟਰ ਨੂੰ ਕਾਬੂ ਕਰਨ ਸਿਵਲ ਵਰਦੀ `ਚ ਆਈ ਬਰਨਾਲਾ ਪੁਲਿਸ ਨਾਲ ਲੋਕ ਉਲਝੇ- ਗੈਂਗਸਟਰ ਕਾਬੂ

ਸੰਦੌੜ, 26 ਨਵੰਬਰ (ਪੰਜਾਬ ਪੋਸਟ- ਹਰਮਿੰਦਰ ਸਿੰਘ ਭੱਟ) – ਕਸਬਾ ਸੰਦੌੜ ਵਿਖੇ ਮਾਹੌਲ ਉਸ ਵਕਤ ਇਕਦਮ ਗਰਮਾ ਗਿਆ ਜਦੋਂ ਬਰਨਾਲਾ ਜਿਲੇ੍ਹ ਨਾਲ ਸਬੰਧਿਤ ਸਿਵਲ ਵਰਦੀ `ਚ ਆਈ ਪੁਲਿਸ ਦੀ ਇਕ ਟੀਮ ਨੇ ਦਾਣਾ ਮੰਡੀ ਸਾਹਮਣੇ ਇਕ ਗੈਂਗਸਟਰ ਨੂੰ ਕਾਬੂ ਕਰ ਲਿਆ ਤਾਂ ਲੋਕਾਂ ਦੀ ਭੀੜ ਬਦਮਾਸ਼ਾਂ ਦੇ ਭੁਲੇਖੇ ਪੁਲਿਸ ਨਾਲ ਉਲਝ ਗਈ।ਪਰ ਇਸ ਮਾਮਲੇ ਨੰੂ ਬਾਅਦ `ਚ ਸੰਦੌੜ ਪੁਲਿਸ ਵਲੋਂ ਮੌਕੇ `ਤੇ ਪਹੁੰਚ ਕੇ ਸੁਲਝਾ ਲਿਆ ਗਿਆ।ਵਰਨਣਯੋਗ ਹੈ ਕਿ ਬਰਨਾਲਾ ਜ਼ਿਲੇ੍ਹ ਦੀ ਪੁਲਿਸ ਨੇ ਬਰਨਾਲਾ ਜ਼ਿਲੇ੍ਹ ਦੇ ਇਕ ਗੈਂਗਸਟਰ ਜੋ ਬਠਿੰਡਾ ਜੇਲ੍ਹ ਦੇ ਇੱਕ ਗੋਲੀਕਾਂਡ ਅਤੇ ਕਤਲ, ਲੁੱਟਮਾਰ ਤੇ ਹੋਰ ਅਪਰਾਧਿਕ ਮਾਮਲਿਆਂ `ਚ ਸ਼ਾਮਿਲ ਰਿਹਾ ਦਸਿਆ ਜਾਂਦਾ ਹੈ, ਨੂੰ ਅੱਜ ਸੰਦੌੜ ਤੋਂ ਗਿ੍ਰਫ਼ਤਾਰ ਕਰਨ `ਚ ਸਫਲਤਾ ਹਾਸਲ ਕਰ ਲਈ ਹੈ।ਉਧਰ ਜਦ ਸੰਦੌੜ ਥਾਣੇ ਦੇ ਮੁੱਖ ਅਫ਼ਸਰ ਇੰਸਪੈਕਟਰ ਪਲਵਿੰਦਰ ਸਿੰਘ ਨਾਲ ਸੰਪਰਕ ਕਰਨਾ ਚਾਹਿਆ ਤਾਂ ਉਨ੍ਹਾਂ ਫ਼ੋਨ ਨਹੀਂ ਚੁੱਕਿਆ।